حضرت محمد اس بات کو ناپسند فرماتے تھے کہ مرنے کے بعد ناخن اور بغلوں کے بال لئے جائیں، فرماتے ہیں مریض پر جب مرض کی شدت ہو تو اس کے اہل و عیال کو یہ کام کرلینا چاہیے۔ [مصنف ابن ابي شيبه/كتاب الجنائز/حدیث: 11261]

حضرت حسن فرماتے ہیں کہ میت کے ناخن کاٹے جائیں گے، حضرت شعبہ فرماتے ہیں کہ میں نے اس کا ذکر حضرت حماد کے سامنے کیا تو آپ نے اس کا انکار فرمایا اور فرمایا: آپ کا کیا خیال ہے اگر اسکے ختنے نہ ہوئے ہوں تو ختنے بھی کیئے جائیں گے؟ [مصنف ابن ابي شيبه/كتاب الجنائز/حدیث: 11262]

حضرت ابو قلابہ فرماتے ہیں کہ حضرت سعد میت کو غسل دے رہے تھے آپ نے استرا مانگا۔ [مصنف ابن ابي شيبه/كتاب الجنائز/حدیث: 11264]

حضرت محمد فرماتے ہیں کہ جب مریض پر مرض کی شدت بڑھ جائے تو چاہئے کہ اس کی مونچھوں، ناخنوں اور زائد بالوں کو کاٹ دیا جائے، جب وہ مرجائے تو ان میں سے کچھ بھی نہ کاٹا جائے گا۔ [مصنف ابن ابي شيبه/كتاب الجنائز/حدیث: 11265]

حضرت بکر جب میت کے ناخن یا بال وغیرہ غیر معمولی طور پر بڑھے ہوئے دیکھتے تو کاٹ دیتے۔ [مصنف ابن ابي شيبه/كتاب الجنائز/حدیث: 11266]

حضرت ابو العالہہ القیسی فرماتے ہیں کہ حضرت ابو الملیح الھذلی نے مجھے وصیت فرمائی کہ جب مرجائیں تو ان کے ناخن اور بالوں کو کاٹا جائے۔ [مصنف ابن ابي شيبه/كتاب الجنائز/حدیث: 11267]

حضرت ابو قلابہ فرماتے ہیں کہ حضرت سعد میت غسل دے رہے تھے آپ نے استرا مانگا اور میت کا حلق کردیا۔ [مصنف ابن ابي شيبه/كتاب الجنائز/حدیث: 11268]

حضرت عبد الرحمن بن ابی لیلیٰ سے دریافت کیا گیا میت کے ناخن اور بال کاٹنے کے بعد (ان کا کیا کیا جائے)؟ آپ نے فرمایا اس کے ساتھ ہی رکھے جائیں۔ [مصنف ابن ابي شيبه/كتاب الجنائز/حدیث: 11269]

حضرت عاصم حضرت ابن سیرین سے اور سیرین کی بیٹیوں سے روایت کرتے ہیں کہ میت کے بال وغیرہ جو کاٹے جائیں وہ میت کے ساتھ دفن کئے جائیں گے۔ [مصنف ابن ابي شيبه/كتاب الجنائز/حدیث: 11270]