حضرت ابو سلمہ فرماتے ہیں کہ حضرت عبد اللہ بن سلام جب نماز جنازہ پڑھتے تو یہ دعا پڑھتے۔ اللَّہُمَّ اغْفِرْ لِحَیِّنَا وَمَیِّتِنَا وَصَغِیرِنَا وَکَبِیرِنَا وَذَکَرِنَا وَأُنْثَانَا وَشَاہِدِنَا وَغَائِبِنَا اللَّہُمَّ مَنْ تَوَفَّیْتہُ مِنْہُمْ فَتَوَفَّہُ عَلَی الإِیمَانِ وَمَنْ أَبْقَیْتہ مِنْہُمْ فَأَبْقِہِ عَلَی الإِسْلاَمِ۔ [مصنف ابن ابي شيبه/كتاب الجنائز/حدیث: 11701]

حضرت ابن عمرو بن غیلان فرماتے ہیں کہ حضرت ابو الدرداء نماز جنازہ میں یہ دعا پڑھتے تھے۔ اللَّہُمَّ اغْفِرْ لأَحْیَائِنَا وَأَمْوَاتِنَا الْمُسْلِمِینَ اللَّہُمَّ اغْفِرْ لِلْمُسْلِمِینَ وَالْمُسْلِمَاتِ وَالْمُؤْمِنِینَ وَالْمُؤْمِنَاتِ وَأَصْلِحْ ذَاتَ بَیْنِہِمْ وَأَلِّفْ بَیْنَ قُلُوبِہِمْ وَاجْعَلْ قُلُوبَہُمْ عَلَی قُلُوبِ خِیَارِہِمَ، اللَّہُمَّ اغْفِرْ لِفُلاَنِ بْنِ فُلاَنٍ ذَنْبَہُ، وَأَلْحِقْہُ بِنَبِیِّہِ مُحَمَد صَلَّی اللَّہُ عَلَیْہِ وَسَلَّمَ، اللَّہُمَّ ارْفَعْ دَرَجَتَہُ فِی الْمُہْتَدِینَ، وَاخْلُفْہُ فِی عَقِبِہِ فِی الْغَابِرِینَ، وَاجْعَلْ کِتَابَہُ فِی عِلِّیِّینَ، وَاغْفِرْ لَنَا وَلَہُ رَبَّ الْعَالَمِینَ، اللَّہُمَّ لاَ تَحْرِمْنَا أَجْرَہُ، وَلاَ تُضِلَّنَا بَعْدَہُ۔ [مصنف ابن ابي شيبه/كتاب الجنائز/حدیث: 11702]

حضرت ابو الصدیق الناجی فرماتے ہیں کہ میں نے حضرت ابو سعید سے نماز جنازہ کے متعلق دریافت کیا؟ آپ نے فرمایا ہم یوں پڑھتے ہیں: اللَّہُمَّ أَنْتَ رَبُّنَا وَرَبُّہُ خَلَقْتہ وَرَزَقْتہ وَأَحْیَیْتہ وَکَفَیْتہ، فَاغْفِرْ لَنَا وَلَہُ، وَلاَ تَحْرِمْنَا أَجْرَہُ، وَلاَ تُضِلَّنَا بَعْدَہُ۔ [مصنف ابن ابي شيبه/كتاب الجنائز/حدیث: 11703]

حضرت نافع فرماتے ہیں کہ حضرت عبد اللہ بن عمر رضی اللہ عنہما جب جنازہ کی نماز پڑھتے تو یہ دعا پڑھتے: اللَّہُمَّ بَارِکْ فِیہِ وَصَلِّ عَلَیْہِ وَاغْفِرْ لَہُ وَأَوْرِدْہُ حَوْضَ رَسُولِکَ صَلَّی اللَّہُ عَلَیْہِ وَسَلَّمَ۔ راوی کہتے ہیں کہ آپ نے لمبا قیام کیا اور بہت زیادہ دعائیں پڑھیں لیکن میں اس کے علاوہ کچھ نہ سمجھ سکا۔ [مصنف ابن ابي شيبه/كتاب الجنائز/حدیث: 11704]

حضرت یونس فرماتے ہیں کہ میں حضرت مجاہد سے دریافت کیا کہ نماز جنازہ میں کون سی دعا پڑھنی چاہئے؟ آپ نے فرمایا ہم تو یہ پڑھتے ہیں۔ اللَّہُمَّ أَنْتَ خَلَقْتہ وَأَنْتَ ہَدَیْتہ لِلإِسْلاَمِ وَأَنْتَ قَبَضْت رُوحَہُ وَأَنْتَ أَعْلَمُ بِسَرِیرَتِہِ وَعَلاَنِیَتِہِ جِئْنَا نَشْفَعُ لَہُ، فَاغْفِرْ لَہُ۔ [مصنف ابن ابي شيبه/كتاب الجنائز/حدیث: 11705]

حضرت عبد الرحمن بن ابو عوف فرماتے ہیں کہ حضرت شرجیل بن السمط کے جنازے پر حضرت ابن لحی الھوزنی حاضر ہوئے، حضرت حبیب بن مسلمہ الفھری کو نماز کے لیے مقدم کیا گیا۔ وہ ھماری طرف اس طرح متوجہ ہوئے جس طرح بلندی والا شخص اپنی لمبائی سے متوجہ ہوتا ہے پھر فرمایا اپنے بھائی کے لیے خوب دعا کرو، لیکن جو دعا تم کرو اس کے لیے (وہ یوں ہو)۔ اللَّہُمَّ اغْفِرْ لِہَذِہِ النَّفْسِ الْحَنِیفِیَّۃِ الْمُسْلِمَۃِ، وَاجْعَلْہَا مِنَ الَّذِینَ تَابُوا وَاتَّبَعُوا سَبِیلَکَ، وَقِہَا عَذَابَ الْجَحِیمِ، وَاسْتَنْصِرُوا اللَّہَ عَلَی عَدُوِّکُمْ۔ [مصنف ابن ابي شيبه/كتاب الجنائز/حدیث: 11706]

حضرت جابر فرماتے ہیں کہ نبی کریم صلی اللہ علیہ وآلہ وسلم نے، حضرت ابوبکر وعمر ھمارے لیے نماز جنازہ میں (کوئی مخصوص) دعا ظاہر نہیں فرمائی۔ [مصنف ابن ابي شيبه/كتاب الجنائز/حدیث: 11707]

حضرت عمرو بن شعیب اپنے والد اور دادا سے اور تیس صحابہ کرام سے روایت کرتے ہیں کہ وہ نماز جنازہ کے بارے میں نہیں دوام کرتے تھے کسی چیز کے بارے میں (کوئی مخصوص دعا نہ پڑھتے تھے)۔ [مصنف ابن ابي شيبه/كتاب الجنائز/حدیث: 11708]

حضرت ابراھیم فرماتے ہیں کہ نماز جنازہ کے لیے کوئی مخصوص دعا نہیں ہے جو دل چاہے مانگو۔ [مصنف ابن ابي شيبه/كتاب الجنائز/حدیث: 11709]

حضرت سعید بن المسیب اور حضرت شعبی فرماتے ہیں کہ میت کے لیے کوئی مخصوص اور مقرر دعا نہیں ہے۔ [مصنف ابن ابي شيبه/كتاب الجنائز/حدیث: 11710]