راوی کہتے ہیں کہ حضرت عطاء اور حضرت حکم اس قسم کے متعلق جس کا کفارہ ادا نہیں کیا جاتا فرماتے ہیں کہ کفارہ ادا کرے۔ [مصنف ابن ابي شيبه/كتاب الأيمان والنذور والكفارات/حدیث: 12710]

ابراہیم فرماتے ہیں کہ یمین کی چار قسمیں ہیں دو قسموں کا کفارہ ہے اور دو کا کفارہ نہیں ہے، اللہ کی قسم نہیں کروں گا یا اللہ کی قسم ضرور کروں گا ان دونوں میں کفارہ ہے، اور اللہ کی قسم میں نے نہیں کیا حالانکہ وہ کرچکا ہو، اور اللہ کی قسم میں کرچکا ان میں کفارہ نہیں ہے۔ [مصنف ابن ابي شيبه/كتاب الأيمان والنذور والكفارات/حدیث: 12711]

حضرت ابن عمر رضی اللہ عنہما فرماتے ہیں کہ قسم یمین ہے۔ [مصنف ابن ابي شيبه/كتاب الأيمان والنذور والكفارات/حدیث: 12712]

حضرت مجاہد فرماتے ہیں کہ قسم یمین ہے پھر آپ نے یہ آیت تلاوت فرمائی، { وَاَقْسَمُوْا بِاللّٰہِ جَھْدَ اَیْمَانِھِمْ }۔ [مصنف ابن ابي شيبه/كتاب الأيمان والنذور والكفارات/حدیث: 12713]

حضرت ابراہیم فرماتے ہیں کہ اَقْسَمْتُ میں نے قسم اٹھائی یہ یمین ہے۔ [مصنف ابن ابي شيبه/كتاب الأيمان والنذور والكفارات/حدیث: 12714]

حضرت ابو البختری فرماتے ہیں کہ ایک شخص نے قسم اٹھائی کہ بیوی کی بکری کا دودھ نہیں پیؤں گا، حضرت عبد اللہ نے فرمایا: اس کے نفس کے لیے پسندیدہ یہ ہے کہ وہ اپنی قسم کا کفارہ ادا کرے۔ [مصنف ابن ابي شيبه/كتاب الأيمان والنذور والكفارات/حدیث: 12715]

ابراہیم فرماتے ہیں کہ کوئی شخص کسی دوسرے شخص پر قسم کھائے اور وہ (اس کی بات نہ مان کر) اس کی قسم تڑوا دے، تو فرمایا میں پسند کرتا ہوں کہ وہ اپنی قسم کا کفارہ ادا کر دے۔ [مصنف ابن ابي شيبه/كتاب الأيمان والنذور والكفارات/حدیث: 12716]

حضرت ابو المنھال فرماتے ہیں کہ ایک شخص نے کسی دوسرے پر قسم کھائی اور اس نے (بات نہ مان کر) اس کو حانث کردیا، حضرت ابو العالیہ فرماتے ہیں کہ اپنی قسم کا کفارہ ادا کر۔ [مصنف ابن ابي شيبه/كتاب الأيمان والنذور والكفارات/حدیث: 12717]

حضرت حسن فرماتے ہیں کہ جب کوئی شخص غیر پر قسم اٹھوائے اور پھر اس نے اس حالف کو حانث کردیا تو اس پر کفارہ نہیں، مگر یہ کہ وہ خود قسم اٹھائے، پھر جب وہ قسم اٹھائے اور حانث ہوجائے تو اس پر کفارہ ہے۔ [مصنف ابن ابي شيبه/كتاب الأيمان والنذور والكفارات/حدیث: 12718]

حضرت حکم فرماتے ہیں کہ قسم یمین ہے۔ [مصنف ابن ابي شيبه/كتاب الأيمان والنذور والكفارات/حدیث: 12719]