حضرت ابن عمر رضی اللہ عنہما ارشاد فرماتے ہیں کہ محرم ہتھیار نہ اٹھائے۔ [مصنف ابن ابي شيبه/كتاب الحج/حدیث: 15010]

حضرت عطاء اور حضرت مجاہد فرماتے ہیں کہ محرم شخص ہتھیار کے ساتھ مکہ میں داخل نہ ہو۔ [مصنف ابن ابي شيبه/كتاب الحج/حدیث: 15011]

حضرت عطیہ فرماتے ہیں کہ میں نے حضرت ابن عمر رضی اللہ عنہما کے غلام سے آپ کی موت کی وجہ دریافت کی؟ انھوں نے فرمایا کہ اھل شام میں سے ایک شخص کے نیزے کا نچلا لوہے کا پھل آپ کو لگ گیا تھا، حجاج آپ کے پاس آپ کی عیادت کے لیے آیا اور کہنے لگا کہ اگر مجھے معلوم ہوتا کہ آپ کو کس نے زخمی کیا ہے تو میں اس کے ساتھ اس طرح اس طرح کرتا، آپ نے فرمایا کہ تو نے ہی تو مجھے زخمی کیا ہے کہ تو حرم میں ہتھیار لے آیا۔ [مصنف ابن ابي شيبه/كتاب الحج/حدیث: 15012]

حضرت ابو السفر حرم میں داخل ہوئے تو ان پر تلوار لٹک رہی تھی، جب وہ حرم میں داخل ہونے لگے تو تلوار اتار لی۔ [مصنف ابن ابي شيبه/كتاب الحج/حدیث: 15013]

حضرت عقبہ بن صھبان فرماتے ہیں کہ میں نے حضرت عثمان کو مقام ابطح میں دیکھا، آپ کا خیمہ نصب تھا اور آپ کی تلوار خیمے میں لٹک رہی تھی۔ [مصنف ابن ابي شيبه/كتاب الحج/حدیث: 15014]

حضرت عبد الرحمن فرماتے ہیں کہ میں حضرت ابن عباس رضی اللہ عنہما کے ساتھ تھا، ایک شخص حاضر ہوا اور عرض کیا: میں نے اونٹ کی ھدی بھیجی تھی، میں نے اس کو راستے میں گم کردیا، تو کیا وہ اونٹ میری طرف سے کافی ہوجائے گا؟ آپ نے ارشاد فرمایا کہ اگر وہ نذر یا کفارہ کی تھی تو پھر اس کو پورا کر بیت اللہ میں وہ تیری طرف سے پوری ادا نہ ہوئی، اور اگر وہ نفل قربانی تھی تو پھر ادا ہوگئی۔ راوی کہتے ہیں کہ میں نے عرض کیا کہ: اس میں اگرچہ بکری ہو؟ آپ نے ارشاد فرمایا ہاں اگرچہ بکری ہی ہو۔ [مصنف ابن ابي شيبه/كتاب الحج/حدیث: 15015]

حضرت عمر نے خرگوش کے شکار کرنے پر بکری کے چھوٹے بچہ کا حکم فرمایا۔ [مصنف ابن ابي شيبه/كتاب الحج/حدیث: 15016]

حضرت شعبی ارشاد فرماتے ہیں کہ خرگوش کے شکار کرنے پر ایک ہتھیلی یا اس سے کم کھانا صدقہ کرے۔ [مصنف ابن ابي شيبه/كتاب الحج/حدیث: 15017]

حضرت عطاء فرماتے ہیں کہ خرگوش کے شکار کرنے پر بکری لازم ہے۔ [مصنف ابن ابي شيبه/كتاب الحج/حدیث: 15018]

حضرت ضحاک فرماتے ہیں کہ خرگوش کے شکار پر گائے یا بکری کا تین سال سے کم کا بچہ لازم ہے۔ [مصنف ابن ابي شيبه/كتاب الحج/حدیث: 15019]