حضرت عائشہ رضی اللہ عنہا سے روایت ہے۔ وہ کہتی ہیں کہ میرا ایک مجذوم آزاد کردہ غلام تھا۔ اور وہ میرے بستر پر سو جاتا تھا۔ اور میرے پیالہ میں کھا لیتا تھا۔ اگر وہ (اب) زندہ ہوتا تو اسی طرح (معاملہ) باقی ہوتا۔ [مصنف ابن ابي شيبه/كتاب الأطعمة/حدیث: 26136]

حضرت عمرو بن شرید، اپنے والد سے روایت کرتے ہیں کہ بنو ثقیف کے وفد میں ایک جذام زدہ شخص تھا۔ تو جناب نبی کریم صلی اللہ علیہ وآلہ وسلم نے اس کی طر ف پیغام بھیجا کہ ”ہم نے تمہیں بیعت کرلیا ہے، پس تم واپس چلے جاؤ۔“ [مصنف ابن ابي شيبه/كتاب الأطعمة/حدیث: 26137]

ایک شیخ سے روایت ہے وہ کہتے ہیں کہ میں نے حضرت ابوہریرہ کو کہتے سُنا کہ جناب رسول اللہ صلی اللہ علیہ وآلہ وسلم نے ارشاد فرمایا: ”تم جذام زدہ شخص سے یوں بھاگو جیسے تم شیر سے بھاگتے ہو۔“ [مصنف ابن ابي شيبه/كتاب الأطعمة/حدیث: 26138]

حضرت ابن عباس رضی اللہ عنہما سے روایت ہے وہ کہتے ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”جذام زدہ لوگوں کی طرف مسلسل نہ دیکھا کرو۔“ [مصنف ابن ابي شيبه/كتاب الأطعمة/حدیث: 26139]

حضرت خالد، حضرت ابو قلابہ کے بارے میں روایت کرتے ہیں کہ انہیں مجذوم سے پرہیز کرنا پسند تھا۔ [مصنف ابن ابي شيبه/كتاب الأطعمة/حدیث: 26140]

حضرت ابن عمر رضی اللہ عنہما سے روایت ہے وہ کہتے ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”مومن ایک آنت میں کھاتا ہے اور کافر سات آنتوں میں کھاتا ہے۔“ [مصنف ابن ابي شيبه/كتاب الأطعمة/حدیث: 26141]

حضرت جابر سے روایت ہے وہ کہتے ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”مؤمن ایک آنت میں کھاتا ہے اور کافر سات آنتوں میں کھاتا ہے۔“ [مصنف ابن ابي شيبه/كتاب الأطعمة/حدیث: 26142]

حضرت ابوہریرہ سے روایت ہے وہ کہتے ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”مؤمن ایک آنت میں کھاتا ہے اور کافر سات آنتوں میں کھاتا ہے۔“ [مصنف ابن ابي شيبه/كتاب الأطعمة/حدیث: 26143]

حضرت میمونہ سے روایت ہے وہ کہتی ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”کافر سات آنتوں میں کھاتا ہے اور مومن ایک آنت میں کھاتا ہے۔“ [مصنف ابن ابي شيبه/كتاب الأطعمة/حدیث: 26144]

حضرت جہجاہ غفاری سے روایت ہے وہ کہتے ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”کافر سات آنتوں میں کھاتا ہے اور مؤمن ایک آنت میں کھاتا ہے۔“ [مصنف ابن ابي شيبه/كتاب الأطعمة/حدیث: 26145]