حضرت عکرمہ سے روایت ہے، وہ کہتے ہیں کہ جناب رسول اللہ صلی اللہ علیہ وآلہ وسلم نے گندگی کھانے والی بکری کے دودھ سے منع فرمایا ہے۔ [مصنف ابن ابي شيبه/كتاب الأطعمة/حدیث: 26206]

حضرت مجاہد سے روایت ہے، وہ کہتے ہیں کہ جناب رسول اللہ صلی اللہ علیہ وآلہ وسلم نے گندگی کھانے والی بکری کے گوشت سے منع فرمایا ہے۔ [مصنف ابن ابي شيبه/كتاب الأطعمة/حدیث: 26207]

حضرت مجاہد سے روایت ہے، وہ کہتے ہیں کہ جناب رسول اللہ صلی اللہ علیہ وآلہ وسلم نے گندگی خور جانور کے دودھ سے منع فرمایا۔ [مصنف ابن ابي شيبه/كتاب الأطعمة/حدیث: 26208]

حضرت نافع، حضرت ابن عمر رضی اللہ عنہما کے بارے میں روایت کرتے ہیں کہ ان کے پاس کچھ گندگی خور اونٹ تھے چناچہ آپ نے ان کو چراگاہ کی طرف بھیج دیا پھر آپ نے ان کو (کچھ دن بعد) واپس کیا اور پھر آپ نے ان پر مسافروں کا سامان لاد کر مکہ کی طرف روانہ کیا۔ [مصنف ابن ابي شيبه/كتاب الأطعمة/حدیث: 26209]

حضرت جابر سے روایت ہے کہ جناب نبی کریم صلی اللہ علیہ وآلہ وسلم نے ارشاد فرمایا: ”بہترین سالن سرکہ ہے۔“ [مصنف ابن ابي شيبه/كتاب الأطعمة/حدیث: 26210]

حضرت جابر بن عبد اللہ رضی اللہ عنہ سے روایت ہے کہ جناب نبی کریم صلی اللہ علیہ وآلہ وسلم نے ارشاد فرمایا: بہترین سالن ”سرکہ“ ہے۔ [مصنف ابن ابي شيبه/كتاب الأطعمة/حدیث: 26211]

حضرت عائشہ رضی اللہ عنہا سے روایت ہے، وہ کہتی ہیں کہ جناب رسول اللہ صلی اللہ علیہ وآلہ وسلم نے ارشاد فرمایا: ”بہترین سالن سرکہ ہے۔“ [مصنف ابن ابي شيبه/كتاب الأطعمة/حدیث: 26212]

حضرت ابراہیم سے اس آدمی کے بارے میں روایت ہے، جو مردار خوری پر مجبور ہوچکا ہو وہ کہتے ہیں کہ یہ اتنا کھا سکتا ہے جس سے اس کی کمر سیدھی رہے۔ [مصنف ابن ابي شيبه/كتاب الأطعمة/حدیث: 26213]

حضرت ابو جعفر سے روایت ہے، وہ کہتے ہیں کہ جب کوئی آدمی حرام کردہ چیز کی طرف مجبور ہوجائے تو وہ اس کے لئے حلال ہے۔ [مصنف ابن ابي شيبه/كتاب الأطعمة/حدیث: 26214]

حضرت عطاء سے اس آدمی کے بارے میں سوال کیا گیا جس کو خنزیر کے گوشت اور شراب کے پینے کے اوپر مجبور کیا گیا ہو؟ تو آپ نے فرمایا: اگر یہ آدمی اس کو کھالے تو اس کو اس کی اجازت ہے اور اگر نہ کھائے اور قتل کردیا جائے تو جنت میں جائے گا۔ [مصنف ابن ابي شيبه/كتاب الأطعمة/حدیث: 26215]