حضرت عقبہ سے روایت ہے۔ وہ کہتے ہیں کہ میں نے حضرت ابراہیم کو اپنے جوتوں میں پاؤں داخل کرتے دیکھا جبکہ وہ کھڑے ہوئے تھے۔ [مصنف ابن ابي شيبه/كتاب اللباس/حدیث: 26550]

حضرت اعمش سے روایت ہے۔ وہ کہتے ہیں کہ میں نے حضرت یحییٰ بن وثاب کو کھڑے ہونے کی حالت میں جوتے پہنتے دیکھا۔ [مصنف ابن ابي شيبه/كتاب اللباس/حدیث: 26551]

حضرت عمرو سے روایت ہے۔ وہ کہتے ہیں کہ میں نے حضرت حسن کو کھڑے ہونے کی حالت میں جوتے پہنتے دیکھا۔ [مصنف ابن ابي شيبه/كتاب اللباس/حدیث: 26552]

حضرت اعمش سے روایت ہے۔ وہ کہتے ہیں کہ ہمیں یہ بات پہنچی کہ حضرت علی رضی اللہ عنہ نے کھڑے ہونے کی حالت میں جوتے پہنے۔ [مصنف ابن ابي شيبه/كتاب اللباس/حدیث: 26553]

حضرت ابو صالح، حضرت ابوہریرہ کے بارے میں روایت کرتے ہیں کہ وہ اس بات کو مکروہ سمجھتے تھے کہ آدمی کھڑے ہونے کی حالت میں جوتے پہنے۔ [مصنف ابن ابي شيبه/كتاب اللباس/حدیث: 26554]

حضرت ابن سیرین سے روایت ہے کہ جناب نبی کریم صلی اللہ علیہ وآلہ وسلم کے جوتے کے دو تسمے تھے۔ اور حضرت ابوبکر، حضرت عمر کے جوتے بھی ایسے تھے۔ [مصنف ابن ابي شيبه/كتاب اللباس/حدیث: 26555]

حضرت قتادہ، حضرت انس رضی اللہ عنہ سے روایت کرتے ہیں۔ وہ کہتے ہیں کہ جناب رسول اللہ صلی اللہ علیہ وآلہ وسلم کے جُوتے کے دو تسمے تھے۔ [مصنف ابن ابي شيبه/كتاب اللباس/حدیث: 26556]

حضرت ابو اسحق سے روایت ہے۔ وہ کہتے ہیں کہ میں نے حضرت ابن عمر رضی اللہ عنہما کے جوتے کو دیکھا اس کے دو تسمے تھے۔ [مصنف ابن ابي شيبه/كتاب اللباس/حدیث: 26557]

حضرت ابو جعفر سے روایت ہے۔ وہ کہتے ہیں کہ جناب رسول اللہ صلی اللہ علیہ وآلہ وسلم کے جُوتے درمیان سے تنگ اور بڑی ایڑی والے تھے۔ [مصنف ابن ابي شيبه/كتاب اللباس/حدیث: 26558]

حضرت عبد اللہ بن حارث سے روایت ہے۔ وہ کہتے ہیں کہ جناب رسول اللہ صلی اللہ علیہ وآلہ وسلم کے جوتے کے دو تسمے تھے، جن کے فیتے دوہرے تھے۔ [مصنف ابن ابي شيبه/كتاب اللباس/حدیث: 26559]