حضرت زید بن جبیر سے روایت ہے۔ کہ میں نے حضرت عبد اللہ بن زبیر پر لمبی (سائبان والی) ٹوپی دیکھی۔ [مصنف ابن ابي شيبه/كتاب اللباس/حدیث: 26610]

حضرت ہشام بن عروہ سے روایت ہے۔ وہ کہتے ہیں کہ میں نے حضرت ابن زبیر پر ایسی ٹوپی دیکھی جس کا سائبان تھا۔ یعنی لمبی ٹوپی۔ [مصنف ابن ابي شيبه/كتاب اللباس/حدیث: 26611]

حضرت عیسیٰ بن طہمان سے روایت ہے۔ وہ کہتے ہیں کہ میں نے حضرت انس بن مالک رضی اللہ عنہ پر برنس ٹوپی دیکھی۔ [مصنف ابن ابي شيبه/كتاب اللباس/حدیث: 26612]

حضرت اسماعیل سے روایت ہے۔ وہ کہتے ہیں کہ میں نے حضرت شریح پر بُرنس (لمبی ٹوپی) دیکھی۔ [مصنف ابن ابي شيبه/كتاب اللباس/حدیث: 26613]

حضرت ابو شہاب سے روایت ہے۔ وہ کہتے ہیں کہ میں نے حضرت سعید بن جبیر پر بُرنس (لمبی ٹوپی) دیکھی۔ [مصنف ابن ابي شيبه/كتاب اللباس/حدیث: 26614]

حضرت سعید بن جبیر اور حسن کے بارے میں روایت ہے کہ دونوں فرماتے ہیں۔ تم لومڑیوں (سے تیار ملبوس) کو پہنو۔ لیکن اس میں نماز نہ پڑھو۔ [مصنف ابن ابي شيبه/كتاب اللباس/حدیث: 26615]

حضرت ابو جعفر سے روایت ہے۔ وہ کہتے ہیں کہ حضرت علی بن حسین رحمہ اللہ کے پاس لومڑیوں کی کھال کا بنا لباس تھا۔ [مصنف ابن ابي شيبه/كتاب اللباس/حدیث: 26616]

حضرت اجلح سے روایت ہے۔ وہ کہتے ہیں کہ میں نے حضرت ضحاک پر لومڑیوں (کی کھال سے بنا) ٹوپا دیکھا۔ [مصنف ابن ابي شيبه/كتاب اللباس/حدیث: 26617]

حضرت یزید سے روایت ہے۔ وہ کہتے ہیں کہ میں نے ابراہیم پر ایسی ٹوپی دیکھی جس کے کناروں میں لومڑیوں یا سمور (کی کھال) کا کنارہ تھا۔ [مصنف ابن ابي شيبه/كتاب اللباس/حدیث: 26618]

حضرت ابوہریرہ، اس حدیث کو جناب نبی کریم صلی اللہ علیہ وآلہ وسلم تک پہنچاتے ہیں کہ آپ صلی اللہ علیہ وآلہ وسلم نے فرمایا: ”یہود و نصاریٰ، رنگتے نہیں ہیں پس تم ان کی مخالفت کرو۔“ [مصنف ابن ابي شيبه/كتاب اللباس/حدیث: 26619]