حضرت حسن سے غلام کے بارے مروی ہے کہ جس نے آزاد کو قتل کردیا پھر وہ مقتول کے ورثاء کے سپرد کردیا گیا کہ ورثاء اس کو قتل کردیں فرمایا اگر چاہیں تو اس کو غلام بنالیں۔ [مصنف ابن ابي شيبه/كتاب الديات/حدیث: 28961]

حضرت عطاء کا ارشاد ہے کہ غلام کو مقتول کے اولیاء کے سپرد کردیا جائے پھر وہ چاہیں تو اس کو قتل کردیں اور اگر چاہیں تو اس کو غلام بنالیں۔ [مصنف ابن ابي شيبه/كتاب الديات/حدیث: 28962]

حضرت عامر اور حضرت عطاء فرماتے ہیں کہ مقتول کے ورثاء اگر چاہیں تو اس کو قتل کردیں اور اگر چاہیں تو اس کو غلام بنالیں۔ [مصنف ابن ابي شيبه/كتاب الديات/حدیث: 28963]

حضرت عامر اور حضرت عطاء فرماتے ہیں کہ اگر وہ چاہیں تو اس کو قتل کردیں اور اگر چاہیں تو اس کو غلام بنالیں۔ [مصنف ابن ابي شيبه/كتاب الديات/حدیث: 28964]

حضرت شعبی سے غلام کے بارے میں مروی ہے کہ جس نے آزاد کو جان بوجھ کر قتل کردیاہو کہ یہ غلام مقتول کے ورثاء کو سپرد کردیا جائے اگر چاہیں تو اس کو قتل کردیں اور اگر چاہیں تو اس کو غلام بنالیں۔ [مصنف ابن ابي شيبه/كتاب الديات/حدیث: 28965]

حضرت ابراہیم سے غلام کے بارے میں کہ جو کسی آزاد آدمی کو جان بوجھ کر قتل کردے مروی ہے کہ ورثاء کے لیے جائز نہیں کہ اس سے خدمت لیں ان کے لیے صرف اتنی گنجائش ہے کہ اگر چاہیں تو اس کو قتل کردیں اور اگر چاہیں تو معاف کردیں۔ [مصنف ابن ابي شيبه/كتاب الديات/حدیث: 28966]

حضرت ابراہیم سے غلام کے بارے میں کہ جس نے آزاد آدمی کو جان بوجھ کر قتل کردیا ہو مروی ہے کہ پھر جب اس کے ورثاء قصاص کو معاف کردیں تو وہ غلام اپنے مالک کی طرف لوٹ جائے گا۔ [مصنف ابن ابي شيبه/كتاب الديات/حدیث: 28967]

حضرت حسن کا ارشاد ہے کہ اگر ورثاء معاف کردیں تو اس کو اس کے آقا کی طرف لوٹادیں گے۔ [مصنف ابن ابي شيبه/كتاب الديات/حدیث: 28968]

حضرت حماد سے غلام کے بارے میں مروی ہے کہ غلام نے جب آزاد کو قتل کیا پھر اس کو اس کے ورثاء کے سپرد کردیا گیا مگر انہوں نے اس کو معاف کردیا تو یہ غلام اپنے آقا کی طرف لوٹ جائے گا اور ان ورثاء کو یہ حق حاصل نہیں کہ وہ اس سے خدمت لیں۔ [مصنف ابن ابي شيبه/كتاب الديات/حدیث: 28969]

حضرت وکیع فرماتے ہیں کہ یہی حضرت سفیان کا بھی قول ہے۔ [مصنف ابن ابي شيبه/كتاب الديات/حدیث: 28970]