حضرت ابراہیم کا ارشاد ہے کہ اس کی دیت آزاد کی دیت تک نہیں پہنچائی جائے گی۔ [مصنف ابن ابي شيبه/كتاب الديات/حدیث: 28981]

حضرت عطاء سے مروی ہے کہ مالک کو آزاد کی دیت سے زیادہ نہیں دیا جائے گا۔ [مصنف ابن ابي شيبه/كتاب الديات/حدیث: 28982]

حضرت ابراہیم اور شعبی کا ارشاد ہے کہ قتل خطا میں غلام کی دیت کو آزاد کی دیت کے برابر نہیں کا جائے گا۔ [مصنف ابن ابي شيبه/كتاب الديات/حدیث: 28983]

حضرت ابراہیم سے مروی ہے کہ غلام کی دیت آزاد کی دیت سے کم ہے۔ [مصنف ابن ابي شيبه/كتاب الديات/حدیث: 28984]

ابراہیم کا ارشاد ہے کہ جب غلام کا ایک کان یا آنکھ ضائع ہوجائے تو اس میں اس کی آدھی قیمت ادا کی جائے گی اور جب دونوں کان یا آنکھیں ضائع ہوجائیں تو پھر پوری قیمت ادا کرنی ہوگی یا مالک اس غلام کو اس شخص کے سپرد کردے گا جس نے اسے نقصان پہنچایا ہے۔ [مصنف ابن ابي شيبه/كتاب الديات/حدیث: 28985]

حضرت شعبی کا ارشاد ہے کہ جب غلام کی ایک آنکھ پھوڑی گئی یا اس کا ایک ہاتھ یا پاؤں کاٹا گیا تو اس کاٹنے والے پر اس کی آدھی قیمت لازم ہوگی اور جب دونوں آنکھیں پھوڑ دی گئیں یا دونوں ہاتھ یا پاؤں کاٹ دیے گئے تو مالک غلام اس کے سپرد کردے گا اور اس پر پوری قیمت دینا لازم ہوگی۔ [مصنف ابن ابي شيبه/كتاب الديات/حدیث: 28986]

حضرت حسن سے مروی ہے کہ جب غلام کی ایک آنکھ پھوٹ جائے تو اس میں اس کی آدھی قیمت ہوگی۔ [مصنف ابن ابي شيبه/كتاب الديات/حدیث: 28987]

حضرت ایاس بن معاویہ کا ارشاد ہے کہ جب کسی نے غلام کا ہاتھ جان بوجھ کر کاٹ دیا یا آنکھ پھوڑدی تو وہ غلام اسی کا ہوجائے گا اور اس پر اس کی قیمت لازم ہوگی۔ [مصنف ابن ابي شيبه/كتاب الديات/حدیث: 28988]

حضرت زہری سے اس آزاد کے بارے میں جس نے غلام کو زخمی کیا ہو ارشاد فرماتے ہیں کہ اگر اس نے اس کی آنکھ پھوڑ دی ہے تو اس کی قیمت کا نصف دینا ہوگا۔ [مصنف ابن ابي شيبه/كتاب الديات/حدیث: 28989]

حضرت عطاء سے مروی ہے کہ غلام کے سر یا چہرہ پر ایسا زخم جو ہڈی کو واضح کردے تو اس میں اس کی قیمت کا بیسواں حصہ دیت ہوگی۔ [مصنف ابن ابي شيبه/كتاب الديات/حدیث: 28990]