حضرت عبدالرحمن بن ابزی رضی اللہ عنہ فرماتے ہیں کہ میں نے حضرت عمر رضی اللہ عنہ کے ساتھ حضرت زینب رضی اللہ عنہا کا جنازہ پڑھا ازواج مطہرات میں سے یہ پہلی خاتون تھیں جن کا حضور صلی اللہ علیہ وسلم کی وفات کے بعد انتقال ہوا تھا۔ [مصنف ابن ابي شيبه/كتاب التاريخ/حدیث: 36593]

حضرت ہشام اپنے والد سے روایت کرتے ہیں کہ حضور صلی اللہ علیہ وسلم کی ہجرت مدینہ سے دو سال یا اس کے قریب قبل حضرت خدیجہ رضی اللہ عنہا کا انتقال ہوا، پھر حضرت عائشہ رضی اللہ عنہا سے آپ کا نکاح ہوا اس وقت وہ چھ برس کی تھیں اور نو برس کی عمر میں رخصت ہوئی۔ [مصنف ابن ابي شيبه/كتاب التاريخ/حدیث: 36594]

حضرت ابو اسحاق فرماتے ہیں کہ حضرت عثمان کی خلافت کے دوسرے سال میں میں پیدا ہوا۔ [مصنف ابن ابي شيبه/كتاب التاريخ/حدیث: 36595]

حضرت شریک فرماتے ہیں کہ ہم نے ان کو خوارج کے دنوں میں دفن کیا۔ [مصنف ابن ابي شيبه/كتاب التاريخ/حدیث: 36596]

حضرت شعبی سے مروی ہے کہ حضرت ابو موسیٰ نے حضرت عمر رضی اللہ عنہ کو لکھا کہ ہمارے پاس مکتوبات آتے ہیں ہمیں ان کی تاریخ کا علم نہیں ہوتا لہذا آپ ہمارے لیے تاریخ کا تعین کریں، حضرت عمر رضی اللہ عنہ نے صحابہ کرام رضی اللہ عنہم سے مشورہ فرمایا، بعض صحابہ نے رائے دی کہ حضور صلی اللہ علیہ وسلم کی بعثت سے تاریخ مقرر کی جائے، اور دیگر بعض صحابہ کی رائے تھی کہ حضور صلی اللہ علیہ وسلم کی وفات سے تاریخ مقرر کی جائے، حضرت عمر رضی اللہ عنہ نے فرمایا: میں حضور صلی اللہ علیہ وسلم کی ہجرت سے تاریخ مقرر کروں گا کیوں کہ حضور صلی اللہ علیہ وسلم کی ہجرت حق اور باطل کے درمیان فرق کرنے والی ہے، پس انہوں نے ہجرت سے تاریخ مقرر فرمائی۔ [مصنف ابن ابي شيبه/كتاب التاريخ/حدیث: 36597]

ابوبکر صدیق رضی اللہ عنہ کا نام عبد اللہ تھا۔ [مصنف ابن ابي شيبه/كتاب التاريخ/حدیث: 36598]

عبد اللہ بن زبیر کی کنیت ابوبکر تھی۔ [مصنف ابن ابي شيبه/كتاب التاريخ/حدیث: 36599]

حضرت عمر رضی اللہ عنہ کی کنیت ابو حفص تھی۔ [مصنف ابن ابي شيبه/كتاب التاريخ/حدیث: 36600]

حضرت عثمان رضی اللہ عنہ کی کنیت ابو عبد اللہ اور ابو عمرو تھی۔ [مصنف ابن ابي شيبه/كتاب التاريخ/حدیث: 36601]

حضرت حذیفہ رضی اللہ عنہ کی کنیت ابو عبد اللہ تھی۔ [مصنف ابن ابي شيبه/كتاب التاريخ/حدیث: 36602]