حضرت عروہ سے روایت ہے کہ انہوں نے حضرت عائشہ رضی اللہ عنہا کو کہتے سنا: اے کاش کہ میں پیدا ہی نہ کی جاتی۔ [مصنف ابن ابي شيبه/كتاب الزهد/حدیث: 37464]

حضرت ابراہیم سے روایت ہے وہ کہتے ہیں کہ حضرت عائشہ رضی اللہ عنہا نے فرمایا: تم گناہ کم کرو۔ کیونکہ تم ہرگز خدا کو قلت ذنوب کے مشابہ کسی چیز کے ساتھ نہ ملو گے۔ [مصنف ابن ابي شيبه/كتاب الزهد/حدیث: 37465]

حضرت عائشہ رضی اللہ عنہا سے روایت ہے وہ کہتی ہیں کہ تم لوگوں نے افضل عبادت یعنی تواضع کو چھوڑ دیا ہے۔ [مصنف ابن ابي شيبه/كتاب الزهد/حدیث: 37466]

حضرت عروہ بن زبیر سے روایت ہے وہ کہتے ہیں کہ حضرت عائشہ رضی اللہ عنہا ستر ہزار تقسیم کرتی تھیں لیکن اپنی قمیص کو پیوند لگاتی تھیں۔ [مصنف ابن ابي شيبه/كتاب الزهد/حدیث: 37467]

حضرت عائشہ رضی اللہ عنہا سے روایت ہے وہ کہتی ہیں کہ جس سے قیامت کے دن حساب میں مناقشہ کیا گیا تو اس کو معافی نہیں ملے گی۔ [مصنف ابن ابي شيبه/كتاب الزهد/حدیث: 37468]

حضرت ابوالسفر کہتے ہیں کہ حضرت عائشہ رضی اللہ عنہا نے فرمایا: لوگوں نے اپنے دین کا بڑا حصہ یعنی ورع کو ضائع کردیا ہے۔ [مصنف ابن ابي شيبه/كتاب الزهد/حدیث: 37469]

حضرت عائشہ رضی اللہ عنہا سے روایت ہے وہ کہتی ہیں کہ آل محمد صلی اللہ علیہ وسلم نے تین دن سے زیادہ گندم کا آٹا سیر ہو کر نہیں کھایا۔ [مصنف ابن ابي شيبه/كتاب الزهد/حدیث: 37470]

حضرت عائشہ رضی اللہ عنہا سے روایت ہے وہ کہتی ہیں کہ ہم مہینہ مہینہ اس حالت میں گزارتے کہ ہم آگ نہیں جلاتے تھے۔ کھانا صرف کھجور اور پانی ہوتا تھا۔ [مصنف ابن ابي شيبه/كتاب الزهد/حدیث: 37471]

حضرت عائشہ رضی اللہ عنہا سے روایت ہے وہ کہتی ہیں کہ قیامت کے دن کسی کا حساب نہیں ہوگا مگر یہ کہ وہ جنت میں داخل ہوگا پھر آپ رضی اللہ عنہا نے آیات قراءت کیں: { فَأَمَّا مَنْ أُوتِیَ کِتَابَہُ بِیَمِینِہِ فَسَوْفَ یُحَاسَبُ حِسَابًا یَسِیرًا } پھر آپ رضی اللہ عنہا نے یہ آیت تلاوت کی: { یُعْرَفُ الْمُجْرِمُونَ بِسِیمَاہُمْ فَیُؤْخَذُ بِالنَّوَاصِی وَالأَقْدَامِ } [مصنف ابن ابي شيبه/كتاب الزهد/حدیث: 37472]

حضرت عائشہ رضی اللہ عنہا سے روایت ہے وہ کہتی ہیں کہ جب تم میں سے کوئی تمنا کرے تو اس کو خوب کرنی چاہیے کیونکہ وہ اپنے رب ہی سے سوال کرتا ہے۔ [مصنف ابن ابي شيبه/كتاب الزهد/حدیث: 37473]