سیدنا ابن عمر رضی اللہ عنہما نے بیان کیا کہ نبی کریم صلی اللہ علیہ وسلم نے ”اس بات سے منع فرمایا کہ کوئی آدمی دو عورتوں کے درمیان ہو کر چلے۔“ [سنن ابي داود/أبواب السلام /حدیث: 5273]

سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”اللہ عزوجل فرماتا ہے کہ آدم کا بیٹا مجھے دکھ دیتا ہے، وہ زمانے کو گالی دیتا ہے، حالانکہ میں ہی زمانہ ہوں، معاملہ میرے ہی ہاتھ میں ہے، رات اور دن کو میں ہی پھیرتا ہوں۔“ ابن سرح نے سند میں سعید کی بجائے «عَنِ ابْنِ الْمُسَيَّبِ» کہا (اور وہ ایک ہی شخصیت ہے۔ یعنی سعید بن مسیب)۔ [سنن ابي داود/أبواب السلام /حدیث: 5274]