🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
243. بَابُ مَا جَاءَ فِي وَائِلِ بْنِ حُجْرٍ - رَضِيَ اللَّهُ عَنْهُ -
حضرت وائل بن حجر رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16005
وَعَنْ وَائِلِ بْنِ حُجْرٍ قَالَ: جِئْتُ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ:" هَذَا وَائِلُ بْنُ حُجْرٍ جَاءَكُمْ لَمْ يَجِئْكُمْ رَغْبَةً وَلَا رَهْبَةً، جَاءَكُمْ حُبًّا لِلَّهِ وَلِرَسُولِهِ". وَبَسَطَ لَهُ رِدَاءَهُ وَأَجْلَسَهُ إِلَى جَنْبِهِ وَضَمَّهُ إِلَيْهِ، وَأَصْعَدَهُ الْمِنْبَرَ فَخَطَبَ النَّاسَ فَقَالَ:" ارْفُقُوا بِهِ ؛ فَإِنَّهُ حَدِيثُ عَهْدٍ بِالْمُلْكِ". فَقَالَ: إِنَّ أَهْلِي غَلَبُونِي عَلَى الَّذِي لِي قَالَ:" أَنَا أُعْطِيكَهُ وَأُعْطِيكَ ضِعْفَهُ".
فَقَالَ لِي رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" يَا وَائِلُ بْنَ حُجْرٍ، إِذَا صَلَّيْتَ فَاجْعَلْ يَدَيْكَ حِذَاءَ أُذُنَيْكَ، وَالْمَرْأَةُ تَجْعَلُ يَدَيْهَا حِذَاءَ ثَدْيَيْهَا".
قُلْتُ: لَهُ فِي الصَّحِيحَيْنِ فِي رَفْعِ الْيَدَيْنِ غَيْرُ هَذَا الْحَدِيثِ.
رَوَاهُ الطَّبَرَانِيُّ مِنْ طَرِيقِ مَيْمُونَةَ بِنْتِ حُجْرِ بْنِ عَبْدِ الْجَبَّارِ، عَنْ عَمَّتِهَا: أُمِّ يَحْيَى بِنْتِ عَبْدِ الْجَبَّارِ وَلَمْ أَعْرِفْهَا، وَبَقِيَّةُ رِجَالِهِ ثِقَاتٌ.
سیدنا وائل بن حجر رضی اللہ عنہ بیان کرتے ہیں: میں نبی اکرم صلی اللہ علیہ وسلم کی خدمت میں حاضر ہوا، آپ نے ارشاد فرمایا: یہ وائل بن حجر ہے، جو تمہارے پاس آیا ہے، یہ کسی (دنیاوی) رغبت یا خوف کی وجہ سے تمہارے پاس نہیں آیا ہے، یہ اللہ اور اس کے رسول کی محبت کی وجہ سے تمہارے پاس آیا ہے، نبی اکرم صلی اللہ علیہ وسلم نے ان کے لئے اپنی چادر بچھا دی اور انہیں اپنے پہلو میں بٹھایا اور انہیں اپنے ساتھ لگا لیا، پھر آپ نے انہیں منبر پر بٹھایا پھر آپ نے لوگوں کو خطبہ دیتے ہوئے ارشاد فرمایا: اس کے ساتھ نرمی سے کام لو! کیونکہ اس کی حکومت کا زمانہ قریب ہے، انہوں نے عرض کی: میرے رشتہ دار میرے حق کے حوالے سے مجھ پر غالب آ گئے، نبی اکرم صلی اللہ علیہ وسلم نے ارشاد فرمایا: وہ میں تمہیں دیدوں گا اور تمہیں اس کا دگنا دوں گا، نبی اکرم صلی اللہ علیہ وسلم نے مجھ سے ارشاد فرمایا: اے وائل بن حجر! جب تم نماز پڑھو، تو اپنے دونوں ہاتھ اپنے دونوں کانوں کے مدمقابل رکھو اور عورت اپنے ہاتھ چھاتی کے مد مقابل رکھے۔
(علامہ ہیثمی فرماتے ہیں) میں یہ کہتا ہوں: ”صحیحین“ میں ان صحابی کے حوالے سے رفع یدین کے بارے میں حدیث مذکور ہے جو اس حدیث کے علاوہ ہے۔
یہ روایت امام طبرانی نے میمونہ بنت حجر بن عبدالجبار کے حوالے سے اس خاتون کی پھوپھی ام یحیی بنت عبدالجبار سے نقل کی ہے اور میں اس خاتون سے واقف نہیں ہوں، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب المناقب/حدیث: 16005]
تخریج الحدیث: «اخرجه الطبراني فى المعجم الكبير (19/22)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 16006
وَعَنْ وَائِلِ بْنِ حُجْرٍ قَالَ: لَمَّا بَلَغَنَا ظُهُورُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - خَرَجْتُ وَافِدًا عَنْ قَوْمِي حَتَّى قَدِمْتُ الْمَدِينَةَ، فَلَقِيتُ أَصْحَابَهُ قَبْلَ لِقَائِهِ، فَقَالُوا: بَشَّرَنَا بِكَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - مِنْ قَبْلِ أَنْ تَقْدَمَ عَلَيْنَا بِثَلَاثَةِ أَيَّامٍ، فَقَالَ:" قَدْ جَاءَكُمْ وَائِلُ بْنُ حُجْرٍ". ثُمَّ لَقِيتُهُ - عَلَيْهِ السَّلَامُ - فَرَحَّبَ بِي، وَأَدْنَى مَجْلِسِي وَبَسَطَ لِي رِدَاءَهُ فَأَجْلَسَنِي عَلَيْهِ، ثُمَّ دَعَا فِي النَّاسِ فَاجْتَمَعُوا إِلَيْهِ، ثُمَّ اطَّلَعَ الْمِنْبَرَ وَأَطْلَعَنِي مَعَهُ وَأَنَا دُونَهُ، ثُمَّ حَمِدَ اللَّهَ وَقَالَ:" يَا أَيُّهَا النَّاسُ، هَذَا وَائِلُ بْنُ حُجْرٍ أَتَاكُمْ مِنْ بِلَادٍ بَعِيدَةٍ مِنْ بِلَادِ حَضْرَمَوْتَ، طَائِعًا غَيْرَ مُكْرَهٍ، بَقِيَّةُ أَبْنَاءِ الْمُلُوكِ، بَارَكَ اللَّهُ فِيكَ يَا حَجَرُ وَفِي وَلَدِكَ". ثُمَّ نَزَلَ وَأَنْزَلَنِي مَنْزِلًا شَاسِعًا عَنِ الْمَدِينَةِ، وَأَمَرَ مُعَاوِيَةَ بْنَ أَبِي سُفْيَانَ أَنْ يُبَوِّئَنِي إِيَّاهُ، فَخَرَجْتُ وَخَرَجَ مَعِي حَتَّى إِذَا كُنَّا بِبَعْضِ الطَّرِيقِ قَالَ: يَا وَائِلُ، إِنَّ الرَّمْضَاءَ قَدْ أَصَابَتْ بَطْنَ قَدَمِي فَأَرْدِفْنِي خَلْفَكَ، فَقُلْتُ: مَا أَضِنُّ عَلَيْكَ بِهَذِهِ النَّاقَةِ، وَلَكِنْ لَسْتَ مِنْ أَرْدَافِ الْمُلُوكِ وَأَكْرَهُ أَنْ أُعَيَّرَ بِكَ قَالَ: فَأَلْقِ إِلَيَّ حِذَاءَكَ أَتَوَقَّى بِهِ مِنْ حَرِّ الشَّمْسِ، قُلْتُ: مَا أَضِنُّ عَلَيْكَ بِهَاتَيْنِ الْجِلْدَتَيْنِ، وَلَكِنْ لَسْتَ مِمَّنْ يَلْبَسُ لِبَاسَ الْمُلُوكِ وَأَكْرَهُ أَنْ أُعَيَّرَ بِكَ. فَلَمَّا أَرَدْتُ الرُّجُوعَ إِلَى قَوْمِي أَمَرَ لِي رَسُولُ اللَّهِ - صَلَّى اللَّهُ عَلَيْهِ وَسَلَّمَ - بِكُتُبٍ ثَلَاثَةٍ: مِنْهَا كِتَابٌ لِي خَالِصٌ يُفَضِّلُنِي فِيهِ عَلَى قَوْمِي، وَكِتَابٌ لِي وَلِأَهْلِ بَيْتِي بِأَمْوَالِنَا هُنَاكَ، وَكِتَابٌ لِي وَلِقَوْمِي.
وَفِي كِتَابِي الْخَالِصِ:" بِسْمِ اللَّهِ، مِنْ مُحَمَّدٍ رَسُولِ اللَّهِ إِلَى الْمُهَاجِرِ بْنِ أَبِي أُمَيَّةَ، إِنَّ وَائِلًا يُسْتَسْقَى وَيُتَرَفَّلُ عَلَى الْأَقْيَالِ حَيْثُ كَانُوا مِنْ حَضْرَمَوْتَ".
وَفِي كِتَابِيِ الَّذِي لِي وَلِأَهْلِ بَيْتِي:" بِسْمِ اللَّهِ الرَّحْمَنِ الرَّحِيمِ، مِنْ مُحَمَّدٍ رَسُولِ اللَّهِ إِلَى الْمُهَاجِرِ بْنِ أَبِي أُمَيَّةَ لِأَبْنَاءِ مَعْشَرٍ وَأَبْنَاءِ ضَمَعَاجٍ أَقْيَالِ شَنُوءَةَ، بِمَا كَانَ لَهُمْ فِيهَا مَنْ مُلُوكٍ وَمَزَاهِرَ وَعُمْرَانُ بَحْرٍ وَمِلْحٍ وَمَحْجَرٍ، وَمَا كَانَ لَهُمْ مَنْ مَالٍ اتَّرَثُوهُ [وَمَاءٍ يَنَابَعَتْ ] وَمَا كَانَ لَهُمْ فِيهَا مِنْ مَالٍ بِحَضْرَمَوْتَ أَعْلَاهَا وَأَسْفَلِهَا، مِنِّي الذِّمَّةُ وَالْجِوَارُ، اللَّهُ لَهُمْ جَارٌ، وَالْمُؤْمِنُونَ عَلَى ذَلِكَ أَنْصَارٌ".
وَفِي الْكِتَابِ الَّذِي لِي وَلِقَوْمِي:" بِسْمِ اللَّهِ الرَّحْمَنِ الرَّحِيمِ، مِنْ مُحَمَّدٍ رَسُولِ اللَّهِ إِلَى وَائِلِ بْنِ حُجْرٍ وَالْأَقْوَالِ الْعَيَاهِلَةِ مِنْ حَضْرَمَوْتَ، بِإِقَامِ الصَّلَاةِ، وَإِيتَاءِ الزَّكَاةِ مِنَ الصِّرْمَةِ التِّيعَةِ وَلِصَاحِبِهَا الْثِّيمَةُ، لَا جَلَبَ وَلَا جَنَبَ، وَلَا شِغَارَ وَلَا وِرَاطَ فِي الْإِسْلَامِ. لِكُلِّ عَشْرَةٍ مِنَ السَّرَايَا مَا يَحْمِلُ الْقِرَابُ مِنَ التَّمْرِ، مَنْ أَحْيَا فَقَدْ أَرْبَى، وَكُلُّ مُسْكِرٍ حَرَامٌ".
فَلَمَّا مَلَكَ مُعَاوِيَةُ بَعَثَ رَجُلًا مِنْ قُرَيْشٍ يُقَالُ لَهُ: بُسْرُ بْنُ أَبِي أَرْطَاةَ، فَقَالَ لَهُ: ضَمَمْتُ إِلَيْكَ النَّاحِيَةَ فَاخْرُجْ بِجَيْشِكَ، فَإِذَا خَلَّفْتَ أَفْوَاهَ الشَّامِ فَضَعْ سَيْفَكَ، فَاقْتُلْ مَنْ أَبَى بَيْعَتِي حَتَّى تَصِيرَ إِلَى الْمَدِينَةِ، ثُمَّ ادْخُلِ الْمَدِينَةَ فَاقْتُلْ مَنْ أَبَى بَيْعَتِي، وَإِنْ أَصَبْتَ وَائِلَ بْنَ حُجْرٍ حَيًّا فَائْتِنِي بِهِ، فَفَعَلَ وَأَصَابَ وَائِلًا حَيًّا فَجَاءَ بِهِ إِلَيْهِ، فَأَمَرَ مُعَاوِيَةُ أَنْ يُتَلَقَّى، وَأَذِنَ لَهُ فَأَجْلَسَهُ مَعَهُ عَلَى سَرِيرِهِ، فَقَالَ لَهُ مُعَاوِيَةُ: أَسَرِيرِي هَذَا أَفْضَلُ أَمْ ظَهْرُ نَاقَتِكَ؟ فَقُلْتُ: يَا أَمِيرَ الْمُؤْمِنِينَ، كُنْتُ حَدِيثَ عَهْدٍ بِجَاهِلِيَّةٍ وَكُفْرٍ، وَكَانَتْ تِلْكَ سِيرَةَ الْجَاهِلِيَّةِ، فَقَدْ أَتَانَا اللَّهُ بِالْإِسْلَامِ فَسَتَرَ الْإِسْلَامُ مَا فَعَلْتُ. قَالَ: فَمَا مَنَعَكَ مِنْ نَصْرِنَا وَقَدْ اتَّخَذَكَ عُثْمَانُ ثِقَةً وَصِهْرًا؟ قُلْتُ: إِنَّكَ قَاتَلْتَ رَجُلًا هُوَ أَحَقُّ بِعُثْمَانَ مِنْكَ قَالَ: وَكَيْفَ يَكُونُ أَحَقَّ بِعُثْمَانَ مِنِّي وَأَنَا أَقْرَبُ إِلَى عُثْمَانَ فِي النَّسَبِ؟ قُلْتُ: إِنِ النَّبِيَّ - صَلَّى اللَّهُ عَلَيْهِ وَسَلَّمَ - كَانَ آخَى بَيْنَ عَلِيٍّ وَعُثْمَانَ ؛ فَالْأَخُ أَوْلَى مِنِ ابْنِ الْعَمِّ، وَلَسْتُ أُقَاتِلُ الْمُهَاجِرِينَ قَالَ: أَوَلَسْنَا مُهَاجِرِينَ؟ قُلْتُ: أَوَلَسْنَا قَدِ اعْتَزَلْنَاكُمَا جَمِيعًا؟ وَحُجَّةٌ أُخْرَى: حَضَرْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - وَقَدْ رَفَعَ رَأْسَهُ نَحْوَ الْمَشْرِقِ وَقَدْ حَضَرَهُ جَمْعٌ كَثِيرٌ، ثُمَّ رَدَّ إِلَيْهِ بَصَرَهُ، فَقَالَ:" أَتَتْكُمُ الْفِتَنُ كَقِطَعِ اللَّيْلِ الْمُظْلِمِ". فَشَدَّدَ أَمْرَهَا وَعَجَّلَهُ وَقَبَّحَهُ، فَقُلْتُ لَهُ مِنْ بَيْنِ الْقَوْمِ: يَا رَسُولَ اللَّهِ، وَمَا الْفِتَنُ؟ قَالَ:" يَا وَائِلُ، إِذَا اخْتَلَفَ سَيْفَانِ فِي الْإِسْلَامِ فَاعْتَزِلْهُمَا". فَقَالَ: أَصْبَحْتَ شِيعِيًّا؟ فَقُلْتُ: لَا، وَلَكِنِّي أَصْبَحْتُ نَاصِحًا لِلْمُسْلِمِينَ، فَقَالَ مُعَاوِيَةُ: لَوْ سَمِعْتُ ذَا وَعَلِمْتُهُ مَا أَقْدَمْتُكَ، قُلْتُ: أَوَلَيْسَ قَدْ رَأَيْتَ مَا صَنَعَ مُحَمَّدُ بْنُ مَسْلَمَةَ عِنْدَ مَقْتَلِ عُثْمَانَ؟ انْتَهَى بِسَيْفِهِ إِلَى صَخْرَةٍ فَضَرَبَهُ حَتَّى انْكَسَرَ، فَقَالَ: أُولَئِكَ قَوْمٌ يَحْمِلُونَ [ عَلَيْنَا ] . قُلْتُ: فَكَيْفَ نَصْنَعُ بِقَوْلِ رَسُولِ اللَّهِ - صَلَّى اللَّهُ عَلَيْهِ وَسَلَّمَ -:" مَنْ أَحَبَّ الْأَنْصَارَ فَبِحُبِّي أَحَبَّهُمْ، وَمَنْ أَبْغَضَ الْأَنْصَارَ فَبِبُغْضِي أَبْغَضَهُمْ"؟.
فَقَالَ: اخْتَرْ أَيَّ الْبِلَادِ شِئْتَ ؛ فَإِنَّكَ لَسْتَ بِرَاجِعٍ إِلَى حَضْرَمَوْتَ، فَقُلْتُ: عَشِيرَتِي بِالشَّامِ وَأَهْلُ بَيْتِي بِالْكُوفَةِ، فَقَالَ: رَجُلٌ مِنْ أَهْلِ بَيْتِكَ مِنْ عَشَرَةٍ مِنْ عَشِيرَتِكَ، فَقُلْتُ: مَا رَجَعْتُ إِلَى حَضْرَمَوْتَ سُرُورًا بِهَا، وَمَا يَنْبَغِي لِلْمُهَاجِرِ أَنْ يَرْجِعَ إِلَى الْمَوْضِعِ الَّذِي هَاجَرَ مِنْهُ إِلَّا مِنْ عِلَّةٍ قَالَ: وَمَا عِلَّتُكَ؟ قُلْتُ: قَوْلُ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي الْفِتَنِ، فَحَيْثُ اخْتَلَفْتُمِ اعْتَزَلْنَاكُمْ، وَحَيْثُ اجْتَمَعْتُمْ جِئْنَاكُمْ، فَهَذِهِ الْعِلَّةُ.
فَقَالَ: إِنِّي قَدْ وَلَّيْتُكَ الْكُوفَةَ فَسِرْ إِلَيْهَا، فَقُلْتُ: مَا أَلِي بَعْدَ النَّبِيِّ - صَلَّى اللَّهُ عَلَيْهِ وَسَلَّمَ - لِأَحَدٍ أَمَا رَأَيْتَ أَبَا بَكْرٍ أَرَادَنِي فَأَبَيْتُ؟ وَأَرَادَنِي عُمَرُ فَأَبَيْتُ، وَأَرَادَنِي عُثْمَانُ فَأَبَيْتُ، وَلَمْ أَتْرُكْ بَيْعَتَهُمْ.
[ قَدْ ] جَاءَنِي كِتَابُ أَبِي بَكْرٍ حَيْثُ ارْتَدَّ أَهْلُ نَاحِيَتِنَا، فَقُمْتُ فِيهِمْ حَتَّى رَدَّهُمُ اللَّهُ إِلَى الْإِسْلَامِ بِغَيْرِ وِلَايَةٍ، فَدَعَا عَبْدَ الرَّحْمَنِ بْنَ أُمِّ الْحَكَمِ، فَقَالَ: سِرْ فَقَدْ وَلَّيْتُكَ الْكُوفَةَ، وَسِرْ بِوَائِلٍ فَأَكْرِمْهُ وَاقْضِ حَوَائِجَهُ، فَقَالَ: يَا أَمِيرَ الْمُؤْمِنِينَ، أَسَأْتَ بِي الظَّنَّ ؛ تَأْمُرُنِي بِإِكْرَامِ مَنْ قَدْ رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَكْرَمَهُ، وَأَبَا بَكْرٍ وَعُمَرَ وَعُثْمَانَ وَأَنْتَ؟ فَسُرَّ مُعَاوِيَةُ بِذَلِكَ مِنْهُ، فَقَدِمْتُ مَعَهُ الْكُوفَةِ فَلَمْ يَلْبَثْ أَنْ مَاتَ.
قَالَ مُحَمَّدُ بْنُ حُجْرٍ: الْوِرَاطُ: الْقِمَارُ. وَالْأَقْوَالُ: الْمُلُوكُ. وَالْعَيَاهِلُ: الْعُظَمَاءُ.
رَوَاهُ الطَّبَرَانِيُّ فِي الصَّغِيرِ وَالْكَبِيرِ، وَفِيهِ مُحَمَّدُ بْنُ حُجْرٍ، وَهُوَ ضَعِيفٌ.
سیدنا وائل بن حجر رضی اللہ عنہ بیان کرتے ہیں: جب ہمیں نبی اکرم صلی اللہ علیہ وسلم کے ظہور کی اطلاع ملی، تو میں اپنی قوم کی طرف سے نمائندے کے طور پر روانہ ہوا، یہاں تک کہ میں مدینہ منورہ آیا، میری ملاقات نبی اکرم صلی اللہ علیہ وسلم سے ہونے سے پہلے آپ کے اصحاب سے ہوئی، تو ان لوگوں نے بتایا کہ اللہ کے رسول صلی اللہ علیہ وسلم نے ہمیں آپ کے بارے میں خوشخبری سنائی ہے، اس سے پہلے کہ آپ آئیں، آپ کے آنے سے تین دن پہلے، آپ صلی اللہ علیہ وسلم نے ہمیں خوشخبری سنائی ہے، نبی اکرم صلی اللہ علیہ وسلم نے فرمایا: وائل بن حجر تمہارے پاس آنے والا ہے پھر میری ملاقات نبی اکرم صلی اللہ علیہ وسلم سے ہوئی، تو آپ نے مجھے خوش آمدید کہا:، آپ نے میرے لئے اپنی چادر بچھائی اور اس پر مجھے بٹھایا پھر آپ نے لوگوں کو بلوایا لوگ آپ کے پاس اکٹھے ہو گئے پھر نبی اکرم صلی اللہ علیہ وسلم منبر پر تشریف فرما ہوئے، آپ نے مجھے بھی منبر پر بٹھایا، میں آپ کے نیچے والے درجے پر بیٹھا، پھر آپ نے اللہ تعالیٰ کی حمد و ثناء بیان کرنے کے بعد ارشاد فرمایا: ”اے لوگو! یہ وائل بن حجر ہے، یہ ”حضرموت“ کے علاقوں میں سے دور دراز کے علاقوں سے تمہارے پاس آیا ہے اور اپنی رضامندی سے آیا ہے، زبردستی نہیں آیا، یہ بادشاہوں کے خاندان سے ہے، اے وائل! اللہ تعالیٰ تم میں، اور تمہاری اولاد میں برکت نصیب کرے۔“ پھر نبی اکرم صلی اللہ علیہ وسلم منبر سے نیچے اتر آئے، آپ نے مجھے ٹھہرنے کے لئے ایک ایسی رہائش گاہ فراہم کی جو مدینہ منورہ سے دور تھی، نبی اکرم صلی اللہ علیہ وسلم نے سیدنا معاویہ بن ابوسفیان رضی اللہ عنہ کو حکم دیا کہ وہ مجھے اس رہائش گاہ تک پہنچا دیں، میں وہاں سے نکلا، سیدنا معاویہ رضی اللہ عنہ بھی میرے ساتھ نکلے، راستے میں کسی جگہ پر سیدنا معاویہ رضی اللہ عنہ نے کہا: اے وائل! گرم ریت میرے پاس پاؤں کو نقصان پہنچا رہی ہے آپ مجھے اپنے پیچھے بٹھا لیں، میں نے کہا: میں آپ کو اس اونٹنی پر ضرور بٹھا لیتا، لیکن آپ کی یہ حیثیت نہیں ہے کہ بادشاہوں کے پیچھے بیٹھیں اور مجھے یہ بات ناپسند ہے کہ آپ کے حوالے سے مجھے عار دلائی جائے، سیدنا معاویہ رضی اللہ عنہ نے کہا: پھر آپ اپنا جوتا مجھے دے دیں، میں اس کے ذریعے دھوپ کی تپش سے بچ جاؤں گا، میں نے کہا: میں چمڑے کے ان دو ٹکڑوں کے حوالے سے کنجوسی نہیں کرتا، لیکن آپ اُن افراد میں سے ایک نہیں ہیں، جو بادشاہوں کی طرح کا لباس پہنیں، مجھے یہ بات ناگوار ہے کہ مجھے آپ کے حوالے سے عار دلائی جائے۔ راوی کہتے ہیں: جب میں اپنی قوم کی طرف واپس گیا، تو نبی اکرم صلی اللہ علیہ وسلم نے مجھے تین قسم کے مکتوبات دیے، اُن میں سے ایک خالص میرے لئے تھا، جس میں مجھے، میری قوم پر فضیلت دی گئی تھی، ایک میرے اور میرے اہل خانہ کے لئے تھا، جو یہاں موجود میرے اموال کے بارے میں تھا اور ایک مکتوب میری قوم کے لئے تھا۔ جو مکتوب خاص میرے لئے تھا اس میں یہ تحریر تھا: ”اللہ تعالیٰ کے نام سے برکت حاصل کرتے ہوئے، یہ اللہ کے رسول سیدنا محمد صلی اللہ علیہ وسلم کی طرف سے مہاجر بن ابوامیہ کے نام ہے وائل کو حضرموت کے معززین سے صدقات وصول کرنے کا نگران مقرر کیا گیا ہے۔“ جو مکتوب میرے لئے اور میرے اہل خانہ کے لئے تھا اس میں یہ تحریر تھا: ”اللہ تعالیٰ کے نام سے برکت حاصل کرتے ہوئے، جو بڑا مہربان نہایت رحم کرنے والا ہے، یہ اللہ کے رسول سیدنا محمد صلی اللہ علیہ وسلم کی طرف سے مہاجر بن ابوامیہ کے نام ہے، جو اس گروہ کے بیٹوں اور شنوہ کے معززین کے بیٹوں کے لیے ہے کہ وہاں ان کی جو بھی ملکیتی (زمین) اور کھیتی باڑی ہے اور زمینیں اور جگہیں ہیں، اور دریا (یا پانی) اور نمک اور بستیوں کے نواحی علاقے ہیں، اور جو بھی مال ہے جو انہیں وراثت میں ملا ہے، وہ سب میری طرف سے ذمہ میں ہیں اور پناہ میں ہیں، اللہ تعالیٰ اُن کا محافظ ہے اور اہل ایمان اس بارے میں مددگار ہیں۔“ جو مکتوب میرے لئے اور میری قوم کے لئے تھا، اس میں یہ تحریر تھا: ”اللہ تعالیٰ کے نام سے برکت حاصل کرتے ہوئے، جو بڑا مہربان نہایت رحم کرنے والا ہے، یہ اللہ کے رسول سیدنا محمد صلی اللہ علیہ وسلم کی طرف سے وائل بن حجر اور حضرموت کے اکبرین اور معززین کے نام ہے کہ وہ نماز قائم کریں گے، زکوۃ دیں گے، جو اونٹوں اور بکریوں میں سے دی جائے گی، اور ان کے مالکان پر مخصوص نصاب (میں زکوۃ لازم ہو گی) اسلام میں جلب، جنب، شغار اور ”وراط“ (زکوۃ سے بچنے کے لیے جانور چھپانے) کی کوئی گنجائش نہیں ہے، جنگی مہمات میں سے ہر دس افراد کے لیے اتنی کھجوریں دی جائیں گی جو تھیلی میں آ جائیں، جو شخص پھل کے پکنے سے پہلے اس کو فروخت کرے گا تو یہ ممنوع ہو گا، اور ہر نشہ آور چیز حرام ہے۔“ جب سیدنا معاویہ رضی اللہ عنہ حکمران بن گئے تو انہوں نے قریش سے تعلق رکھنے والے ایک شخص کو بھیجا، جس کا نام بسر بن ابوارطاۃ تھا، انہوں نے اس سے کہا: تم اطراف کے لوگوں کو اپنے ساتھ ملا لو اور اپنے لشکر کو لے کے نکلو، اور جب تم شام کی حدود سے باہر نکل جاؤ تو اپنی تلوار اٹھا لینا اور جو شخص میری بیعت کا انکار کرے، اسے قتل کر دینا، یہاں تک کہ تم مدینہ منورہ پہنچ جاؤ، پھر مدینہ میں داخل ہو جانا اور جو شخص میری بیعت کا انکار کرے اسے قتل کر دینا اور اگر تمہیں وائل بن حجر زندہ مل گیا، تو اسے میرے پاس لے کر آنا، اس شخص نے ایسا ہی کیا، اسے سیدنا وائل رضی اللہ عنہ زندہ مل گئے، وہ انہیں ساتھ لے کر سیدنا معاویہ رضی اللہ عنہ کے پاس آیا، سیدنا معاویہ رضی اللہ عنہ کے حکم کے تحت ان کے ساتھ ملاقات کا اہتمام کیا گیا، سیدنا معاویہ رضی اللہ عنہ نے انہیں اندر آنے کی اجازت دی، اور اپنے ساتھ اپنے پلنگ پر بٹھایا، سیدنا معاویہ رضی اللہ عنہ نے ان سے یہ دریافت کیا: کیا میرا یہ پلنگ زیادہ فضیلت رکھتا ہے، یا آپ کی اونٹنی کی پشت زیادہ فضیلت رکھتی تھی؟ میں نے کہا: اے امیرالمؤمنین! میں زمانہ جاہلیت اور زمانہ کفر کے قریب تھا اور زمانہ جاہلیت کا یہی معمول تھا، اب اللہ تعالیٰ ہمیں اسلام کی دولت سے نواز چکا ہے، اور اسلام نے میری اس چیز کی پردہ پوشی کر لی ہے جو میں نے کیا تھا، سیدنا معاویہ رضی اللہ عنہ نے کہا: کیا وجہ ہے آپ نے ہماری مدد کیوں نہیں کی؟ جبکہ سیدنا عثمان رضی اللہ عنہ نے آپ کو اپنا قابل اعتماد ساتھی اور رشتے دار بھی بنا لیا تھا، میں نے کہا: آپ اُس شخص کے ساتھ جنگ کر رہے ہیں، جو آپ کی بہ نسبت سیدنا عثمان رضی اللہ عنہ کے زیادہ قریب ہے، سیدنا معاویہ رضی اللہ عنہ نے دریافت کیا: وہ کیسے مجھ سے زیادہ سیدنا عثمان رضی اللہ عنہ کا حق دار ہو سکتا ہے؟ جبکہ میں سیدنا عثمان رضی اللہ عنہ کے ساتھ نسبی اعتبار سے زیادہ قریبی تعلق رکھتا ہوں، میں نے کہا: نبی اکرم صلی اللہ علیہ وسلم نے سیدنا علی رضی اللہ عنہ اور سیدنا عثمان رضی اللہ عنہ کے درمیان بھائی چارہ قائم کیا تھا، تو بھائی، چچا زاد کی بہ نسبت زیادہ قریبی ہوتا ہے، اور میں مہاجرین کے ساتھ لڑائی نہیں کر سکتا، سیدنا معاویہ رضی اللہ عنہ نے دریافت کیا: کیا ہم لوگ مہاجرین میں سے نہیں ہیں؟ تو میں نے کہا: کیا ہم نے آپ دونوں گروہوں سے علیحدگی اختیار نہیں کی ہے، پھر دوسری دلیل یہ ہے کہ ایک مرتبہ میں نبی اکرم صلی اللہ علیہ وسلم کے پاس موجود تھا، نبی اکرم صلی اللہ علیہ وسلم نے اپنا سر مبارک اُٹھا کے مشرق کی طرف دیکھا، اس وقت بہت سے لوگ آپ کے پاس موجود تھے، پھر آپ نے اپنی نگاہ واپس کی اور فرمایا: تم لوگوں کے پاس تاریک رات کے ٹکڑوں کی مانند فتنے آئیں گے، پھر نبی اکرم صلی اللہ علیہ وسلم نے اس معاملے کی اہمیت اس کے جلدی آنے اور اس کے قبیح ہونے کو بیان کیا، حاضرین میں سے، میں نے نبی اکرم صلی اللہ علیہ وسلم کی خدمت میں عرض کی: یا رسول اللہ! فتنوں سے مراد کیا ہے؟ نبی اکرم صلی اللہ علیہ وسلم نے فرمایا: اے وائل! جب اسلام میں دو تلواریں ایک دوسرے کے مدمقابل ہو جائیں، تو تم ان دونوں سے الگ ہو جانا، سیدنا معاویہ رضی اللہ عنہ نے دریافت کیا: کیا آپ ایک الگ گروہ ہو گئے ہیں؟ میں نے کہا: جی نہیں! لیکن میں مسلمانوں کا خیرخواہ ہوں، سیدنا معاویہ رضی اللہ عنہ نے کہا: اگر میں نے یہ بات سنی ہوتی اور مجھے اس کا علم ہوتا، تو میں آپ کو یہاں نہ بلواتا، میں نے کہا: کیا آپ نے وہ چیز ملاحظہ نہیں کی ہے؟ جو سیدنا محمد بن مسلمہ رضی اللہ عنہ نے سیدنا عثمان رضی اللہ عنہ کی شہادت کے زمانے میں کیا تھا، وہ اپنی تلوار لے کر چٹان کے پاس گئے اور انہوں نے اپنی تلوار چٹان پر مار کر اسے توڑ دیا تھا اور یہ کہا: تھا: یہ لوگ ہم پر حملہ آور ہوں گے (یا یہ لوگ ہم پر بوجھ لادنا چاہتے ہیں)۔ میں نے کہا: پھر میں نبی اکرم صلی اللہ علیہ وسلم کے اس فرمان کا کیا کروں گا؟ ”جو شخص انصار سے محبت رکھتا ہے، تو وہ میرے ساتھ محبت کی وجہ سے اُن سے محبت رکھتا ہے اور جو شخص انصار سے بغض رکھتا ہے، وہ میرے ساتھ بغض رکھنے کی وجہ سے اُن کے ساتھ بغض رکھتا ہے۔“ سیدنا معاویہ رضی اللہ عنہ نے کہا: آپ جو شہر چاہیں، اپنے لئے پسند کر لیں کیونکہ اب آپ واپس ”حضرموت“ تو نہیں جائیں گے، میں نے کہا: میرے خاندان کے لوگ شام میں موجود ہیں، میرے اہل خانہ کوفہ میں موجود ہیں، تو سیدنا معاویہ رضی اللہ عنہ نے کہا: آپ کے اہل خانہ میں سے ایک شخص آپ کے خاندان کے دس افراد سے زیادہ بہتر ہے، میں نے کہا: مجھے ”حضرموت“ واپس جا کر خوشی نہیں ہو گی اور ویسے بھی کسی مہاجر کے لئے یہ مناسب نہیں ہے کہ جہاں سے وہ ہجرت کر کے گیا تھا، اس جگہ واپس چلا جائے، البتہ اگر کوئی علت ہو تو حکم مختلف ہے، سیدنا معاویہ رضی اللہ عنہ نے دریافت کیا: وہ علت کیا ہے؟ میں نے کہا: نبی اکرم صلی اللہ علیہ وسلم کا وہ فرمان جو فتنوں کے بارے میں ہے کہ جب آپ لوگ اختلاف کا شکار ہوں، تو ہم لوگ آپ سے لاتعلق ہو جائیں، اور جب آپ لوگ اکٹھے ہو جائیں تو ہم آپ کے پاس آ جائیں، تو یہ علت ہے، سیدنا معاویہ رضی اللہ عنہ نے کہا: میں آپ کو کوفہ کا گورنر مقرر کرتا ہوں، آپ وہاں چلے جائیں، میں نے کہا: میں نے نبی اکرم صلی اللہ علیہ وسلم کے بعد کسی کے لئے کوئی سرکاری عہدہ قبول نہیں کیا، کیا آپ کو پتہ نہیں ہے؟ کہ سیدنا ابوبکر رضی اللہ عنہ نے مجھے گورنر بنانا چاہا، تو میں نے انکار کر دیا، سیدنا عمر رضی اللہ عنہ نے ایسا کرنا چاہا، تو میں نے انکار کر دیا، سیدنا عثمان رضی اللہ عنہ نے ایسا کرنا چاہا، تو میں نے انکار کر دیا اور میں نے اُن لوگوں کی بیعت کو چھوڑا نہیں تھا، جب ہماری طرف کے لوگ مرتد ہوئے تھے، تو میری طرف سیدنا ابوبکر رضی اللہ عنہ کا مکتوب آیا تھا، میں اُن لوگوں کے درمیان موجود رہا، یہاں تک کہ اللہ تعالیٰ نے انہیں اسلام کی طرف لوٹا دیا اور یہ میرے کسی حکومتی عہدے کے بغیر ہوا تھا، پھر سیدنا معاویہ رضی اللہ عنہ نے عبدالرحمن بن ام حکم کو بلایا اور فرمایا: تم روانہ ہو جاؤ! میں تمہیں کوفہ کا گورنر مقرر کرتا ہوں اور تم سیدنا وائل رضی اللہ عنہ کو ساتھ لے جاؤ! اور ان کا احترام کرنا اور ان کی ضروریات پوری کرنا، تو عبدالرحمن نے کہا: اے امیرالمؤمنین! آپ نے میرے بارے میں برا گمان رکھا ہے، آپ مجھے ایسے شخص کا احترام کرنے کا حکم دے رہے ہیں، جس کے بارے میں، میں نے نبی اکرم صلی اللہ علیہ وسلم کو دیکھا ہے کہ آپ صلی اللہ علیہ وسلم نے ان کی عزت افزائی کی، سیدنا ابوبکر رضی اللہ عنہ نے کی، سیدنا عمر رضی اللہ عنہ نے کی، سیدنا عثمان رضی اللہ عنہ نے کی اور خود آپ نے بھی کی، تو سیدنا معاویہ رضی اللہ عنہ اس بات پر خوش ہو گئے، سیدنا وائل رضی اللہ عنہ کہتے ہیں: تو میں عبدالرحمن کے ہمراہ کوفہ آ گیا اور پھر سیدنا وائل رضی اللہ عنہ انتقال تک وہیں مقیم رہے۔ محمد بن حجر نامی راوی کہتے ہیں: ”وراط“ سے مراد قمار ہے ”اقوال“ سے مراد بادشاہ ہیں اور ”عیاہل“ سے مراد معززین ہیں۔
یہ روایت امام طبرانی نے معجم صغیر اور معجم کبیر میں نقل کی ہے اور اس کی سند میں ایک راوی محمد بن حجر ہے اور وہ ضعیف ہے۔ [مجمع الزاوئد ومنبع الفوائد/كتاب المناقب/حدیث: 16006]
تخریج الحدیث: «اخرجه الطبراني فى المعجم الصغير (1176)، أخرجه المعجم الصغير للطبراني برقم: 1126، وأخرجه البحر الزخار المعروف بمسند البزار 10 - 18 برقم: 4486»

الحكم على الحديث:
إسنادہ ضعیف
مزید تخریج الحدیث شرح دیکھیں
244. بَابُ مَا جَاءَ فِي الْعَلَاءِ بْنِ الْحَضْرَمِيِّ - رَضِيَ اللَّهُ عَنْهُ -
حضرت علاء بن حضرمی رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16007
عَنْ أَبِي هُرَيْرَةَ قَالَ: لَمَّا بَعَثَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الْعَلَاءَ بْنَ الْحَضْرَمِيِّ إِلَى الْبَحْرِينِ تَبِعْتُهُ، فَرَأَيْتُ مِنْهُ ثَلَاثَ خِصَالٍ لَا أَدْرِي أَيَّتُهُنَّ أَعْجَبُ. انْتَهَيْنَا إِلَى سَاحِلِ الْبَحْرِ، فَقَالَ: سَمُّوا اللَّهَ وَتَقَحَّمُوا، فَسَمَّيْنَا وَتَقَحَّمْنَا فَعَبَرْنَا، فَمَا بَلَّ الْمَاءُ أَسَافِلَ خِفَافِ إِبِلِنَا. فَلَمَّا قَفَلْنَا صِرْنَا مَعَهُ بِفَلَاةٍ مِنَ الْأَرْضِ وَلَيْسَ مَعَنَا مَاءٌ، فَشَكَوْنَا إِلَيْهِ، فَقَالَ: صَلُّوا رَكْعَتَيْنِ، ثُمَّ دَعَا فَإِذَا سَحَابَةٌ مِثْلُ التُّرْسِ، ثُمَّ أَرْخَتْ عَزَالِيهَا فَسَقَيْنَا وَاسْتَقَيْنَا، فَمَاتَ فَدَفَنَّاهُ فِي الرَّمْلِ، فَلَمَّا صِرْنَا غَيْرَ بَعِيدٍ قُلْنَا: يَجِيءُ سَبْعٌ فَيَأْكُلُهُ، فَرَجَعْنَا فَلَمْ نَرَهُ.
رَوَاهُ الطَّبَرَانِيُّ فِي الثَّلَاثَةِ، وَفِيهِ إِبْرَاهِيمُ بْنُ مَعْمَرٍ الْهَرَوَيُّ وَالِدُ إِسْمَاعِيلَ وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.
قُلْتُ: وَقَدْ تَقَدَّمَتْ قِصَّتُهُ فِي الْبَحْرِينِ، وَحَصْرُهُمْ إِيَّاهُ وَنَصْرُهُ عَلَيْهِمْ فِي قِتَالِ أَهْلِ الرِّدَّةِ.
سیدنا ابوہریرہ رضی اللہ عنہ بیان کرتے ہیں: جب نبی اکرم صلی اللہ علیہ وسلم نے سیدنا علاء بن حضرمی رضی اللہ عنہ کو بحرین کی طرف بھیجا، تو میں بھی اُن کے پیچھے گیا، میں نے ان کی تین چیزیں دیکھیں، مجھے نہیں اندازہ ہو سکا کہ اُن میں زیادہ کون سی زیادہ حیران کن ہے؟ جب ہم سمندر کے ساحل پر پہنچے، تو انہوں نے کہا: اللہ کا نام لے کر اس میں داخل ہو جاؤ، ہم نے اللہ کا نام لیا اور داخل ہو گئے، اور ہم نے اسے عبور کر لیا اور ہمارے اونٹوں کے پاؤں کے نچلے حصے کو بھی پانی نے گیلا نہیں کیا، جب ہم واپس آ رہے تھے، تو ہمارا گزر ان کے ساتھ ایک بے آب و گیاہ سرزمین سے ہوا، ہمارے پاس پانی نہیں تھا، ہم نے ان کے سامنے اس کی شکایت کی، تو انہوں نے فرمایا: تم لوگ دو رکعت ادا کرو، پھر انہوں نے دعا کی، تو ڈھال کی طرح کا بادل آیا اور پھر ہم پر موسلا دھار بارش شروع ہو گئی اور ہم نے پانی پی بھی لیا اور پینے کے لئے حاصل بھی کر لیا (یا جانوروں کو بھی پلا دیا) جب وہ دفن ہوئے، تو ہم نے انہیں ریت میں دفن کیا، ابھی ہم زیادہ دور نہیں گئے تھے کہ ہم نے یہ سوچا کہ کوئی درندہ آ کر ان کی لاش کی بے حرمتی کر سکتا ہے، جب ہم واپس آئے تو وہ ہمیں ملے ہی نہیں۔
یہ روایت امام طبرانی نے تینوں کتابوں میں نقل کی ہے، اس کی سند میں ایک راوی ابراہیم بن معمر ہروی ہے، جو اسماعیل کا والد ہے، میں اس سے واقف نہیں ہوں، اس روایت کے بقیہ رجال ثقہ ہیں۔ (علامہ ہیثمی فرماتے ہیں:) میں یہ کہتا ہوں: اس سے پہلے ”بحرین“ میں اُن کا واقعہ اور ان کا ان لوگوں کو محصور کرنا اور ان کے خلاف مدد حاصل کرنا، اس سب کا ذکر مرتدین سے قتال سے متعلق باب میں گزر چکا ہے۔ [مجمع الزاوئد ومنبع الفوائد/كتاب المناقب/حدیث: 16007]
تخریج الحدیث: «اخرجه الطبراني فى المعجم الصغير (400) أخرجه الطبراني فى المعجم الكبير (95/18)»

الحكم على الحديث:
إسنادہ صحیح
مزید تخریج الحدیث شرح دیکھیں
245. بَابُ مَا جَاءَ فِي جُبَيْرِ بْنِ مُطْعِمٍ - رَضِيَ اللَّهُ عَنْهُ -
حضرت جبیر بن مطعم رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16008
عَنْ جُبَيْرِ بْنِ مُطْعِمٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" لَوْ أَتَانِي [ فِي هَؤُلَاءِ ] النَّتْنَى لَشَفَّعْتُهُ". يَعْنِي: الْمُطْعِمَ بْنَ عَدِيٍّ، فَأَسْلَمَ عِنْدَ ذَلِكَ جُبَيْرٌ.
قُلْتُ: هُوَ فِي الصَّحِيحِ غَيْرَ قَوْلِهِ: فَأَسْلَمَ عِنْدَ ذَلِكَ جُبَيْرٌ.
رَوَاهُ الطَّبَرَانِيُّ، وَإِسْنَادُهُ حَسَنٌ.
سیدنا جبیر بن مطعم رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”اگر وہ ان بدبودار لوگوں (یعنی غزوہ بدر کے قیدیوں) کے بارے میں، میرے پاس آتا تو میں نے اُس کی سفارش قبول کر لینی تھی۔“ نبی اکرم صلی اللہ علیہ وسلم کی مراد (سیدنا جبیر بن مطعم رضی اللہ عنہ کا والد) مطعم بن عدی تھا۔ راوی کہتے ہیں: تو اُس موقع پر سیدنا جبیر رضی اللہ عنہ نے اسلام قبول کر لیا۔
(علامہ ہیثمی فرماتے ہیں:) میں یہ کہتا ہوں:
یہ روایت ”صحیح“ میں موجود ہے، تاہم اس میں یہ الفاظ نہیں ہیں: ”اس موقع پر سیدنا جبیر رضی اللہ عنہ نے اسلام قبول کر لیا۔“
یہ روایت امام طبرانی نے نقل کی ہے اور اس کی سند حسن ہے۔ [مجمع الزاوئد ومنبع الفوائد/كتاب المناقب/حدیث: 16008]
تخریج الحدیث: «اخرجه الطبراني فى المعجم الكبير (1507)، أخرجه صحيح البخاري برقم: 2970، وأخرجه سنن أبي داود برقم: 2689، وأخرجه مسند أحمد برقم: 27546، وأخرجه مسند البزار برقم: 3404، وأخرجه المعجم الكبير للطبراني برقم: 1507»

الحكم على الحديث:
إسنادہ حسن۔
مزید تخریج الحدیث شرح دیکھیں
246. بَابُ مَا جَاءَ فِي ثَوْبَانَ - رَضِيَ اللَّهُ عَنْهُ -
حضرت ثوبان رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16009
قَالَ الطَّبَرَانِيُّ: ثَوْبَانُ - رَضِيَ اللَّهُ عَنْهُ - يُكَنَّى أَبَا عَبْدِ اللَّهِ، وَيُقَالُ: هُوَ مِنَ الْيَمَنِ مِنْ حِمْيَرَ مَوْلَى آلِ رَسُولِ اللَّهِ - صَلَّى اللَّهُ عَلَيْهِ وَسَلَّمَ -. وَيُقَالُ: أَصَابَهُ سِبَاءٌ فَاشْتَرَاهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَأَعْتَقَهُ، كَانَ يَسْكُنُ حِمْصَ، مَاتَ سَنَةَ خَمْسٍ وَخَمْسِينَ.
امام طبرانی بیان کرتے ہیں: سیدنا ثوبان رضی اللہ عنہ کی کنیت ”ابوعبدالله“ ہے، ایک قول کے مطابق ان کا تعلق یمن کے حمیر قبیلے سے ہے اور یہ نبی اکرم صلی اللہ علیہ وسلم کے خاندان سے نسبت ولاء رکھتے ہیں۔ یہ بات بیان کی گئی ہے: یہ قیدی بن گئے تھے، نبی اکرم صلی اللہ علیہ وسلم نے انہیں خرید کر انہیں آزاد کر دیا تھا، یہ حمص میں رہائش پذیر تھے، ان کا انتقال 55 ہجری میں ہوا تھا۔ [مجمع الزاوئد ومنبع الفوائد/كتاب المناقب/حدیث: 16009]
تخریج الحدیث: «اخرجه الطبراني فى المعجم الكبير (91/2)، أخرجه المعجم الأوسط للطبراني برقم: 5723، وأخرجه البحر الزخار المعروف بمسند البزار 10 - 18 برقم: 5309»

الحكم على الحديث:
إسنادہ صحیح
مزید تخریج الحدیث شرح دیکھیں
247. بَابُ مَا جَاءَ فِي هَالَةَ - رَضِيَ اللَّهُ عَنْهُ -
حضرت ہالہ رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16010
عَنْ هَالَةَ أَنَّهُ: دَخَلَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَهُوَ رَاقِدٌ، فَاسْتَيْقَظَ، فَضَامَّ هَالَةَ إِلَى صَدْرِهِ، فَقَالَ:" هَالَةُ هَالَةُ".
رَوَاهُ الطَّبَرَانِيُّ فِي الصَّغِيرِ وَالْأَوْسَطِ، وَقَالَ: كَأَنَّهُ سُرَّ بِهِ لِقَرَابَتِهِ مِنْ خَدِيجَةَ - رَضِيَ اللَّهُ عَنْهَا -. وَفِي إِسْنَادِهِ جَمَاعَةٌ لَمْ أَعْرِفْهُمْ.
سیدنا ہالہ رضی اللہ عنہ بیان کرتے ہیں: وہ نبی اکرم صلی اللہ علیہ وسلم کی خدمت میں حاضر ہوئے، نبی اکرم صلی اللہ علیہ وسلم اس وقت سو رہے تھے، نبی اکرم صلی اللہ علیہ وسلم بیدار ہوئے تو آپ نے سیدنا بالہ رضی اللہ عنہ کو اپنے سینے کے ساتھ لگا لیا اور فرمایا: ”ہالہ ہالہ“۔
یہ روایت امام طبرانی نے معجم صغیر اور معجم اوسط میں نقل کی ہے اور اس میں یہ الفاظ نقل کیے ہیں: نبی اکرم صلی اللہ علیہ وسلم اُن کی آمد پر اس لئے خوش ہوئے تھے کہ کیونکہ وہ سیدہ خدیجہ رضی اللہ عنہا کے رشتے دار تھے۔ اس روایت کی سند میں راویوں کی ایک جماعت ایسی ہے، جن سے میں واقف نہیں ہوں۔ [مجمع الزاوئد ومنبع الفوائد/كتاب المناقب/حدیث: 16010]
تخریج الحدیث: «إخرجه الطبراني فى المعجم الصغير (537)، أخرجه المستدرك على الصحيحين برقم: 6757، وأخرجه المعجم الأوسط للطبراني برقم: 3806، وأخرجه المعجم الصغير للطبراني برقم: 510»

الحكم على الحديث:
إسنادہ ضعیف
مزید تخریج الحدیث شرح دیکھیں
248. بَابُ مَا جَاءَ فِي حَسَّانَ بْنِ ثَابِتٍ - رَضِيَ اللَّهُ عَنْهُ -
حضرت حسان بن ثابت رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16011
عَنِ الْبَرَاءِ بْنِ عَازِبٍ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ لِحَسَّانَ بْنِ ثَابِتٍ:" اهْجُ الْمُشْرِكِينَ ؛ فَإِنَّ اللَّهَ تَعَالَى يُؤَيِّدُكَ بِرُوحِ الْقُدُسِ". رَوَاهُ الطَّبَرَانِيُّ فِي الصَّغِيرِ، وَفِيهِ أَيُّوبُ بْنُ سُوَيْدٍ الرَّمْلِيُّ، وَهُوَ ضَعِيفٌ، وَوَثَّقَهُ ابْنُ حِبَّانَ وَقَالَ: كَانَ رَدِيءَ الْحِفْظِ.
سیدنا براء بن عازب رضی اللہ عنہ بیان کرتے ہیں: نبی اکرم صلی اللہ علیہ وسلم نے سیدنا حسان بن ثابت رضی اللہ عنہ سے فرمایا: ”تم مشرکین کی ہجو کرو! بے شک اللہ تعالیٰ روح القدس کے ذریعے تمہاری تائید کرے گا۔“
یہ روایت امام طبرانی نے معجم صغیر میں نقل کی ہے، اس کی سند میں ایک راوی ایوب بن سوید رملی ہے اور وہ ضعیف ہے، ابن حبان نے اسے ثقہ قرار دیا ہے، وہ یہ کہتے ہیں: یہ خراب حافظے کا مالک ہے۔ [مجمع الزاوئد ومنبع الفوائد/كتاب المناقب/حدیث: 16011]
تخریج الحدیث: «اخرجه الطبراني فى المعجم الصغير (994)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 16012
وَعَنْ سَعِيدِ بْنِ جُبَيْرٍ قَالَ: جَاءَ رَجُلٌ إِلَى ابْنِ عَبَّاسٍ، فَقَالَ: قَدْ جَاءَ حَسَّانُ اللَّعِينُ، فَقَالَ ابْنُ عَبَّاسٍ: مَا هُوَ بِلَعِينٍ ؛ لَقَدْ جَاهَدَ مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - بِلِسَانِهِ وَنَفْسِهِ. رَوَاهُ أَبُو يَعْلَى، وَفِيهِ خَدِيجُ بْنُ مُعَاوِيَةَ بْنِ حُدَيْجٍ، وَهُوَ ضَعِيفٌ وَقَدْ وُثِّقَ.
سعید بن جبیر بیان کرتے ہیں: ایک شخص سیدنا عبداللہ بن عباس رضی اللہ عنہما کے پاس آیا اور بولا: حسان لعین آیا ہے، تو سیدنا عبداللہ بن عباس رضی اللہ عنہما نے فرمایا: وہ لعین نہیں ہیں، انہوں نے نبی اکرم صلی اللہ علیہ وسلم کے ہمراہ، اپنی زبان اور جان کے ہمراہ جہاد کیا ہے۔
یہ روایت امام ابویعلیٰ نے نقل کی ہے اس کی سند میں ایک راوی خدیج بن معاویہ بن حدیج ہے اور وہ ضعیف ہے، ویسے اس کی توثیق کی گئی ہے۔ [مجمع الزاوئد ومنبع الفوائد/كتاب المناقب/حدیث: 16012]
تخریج الحدیث: «اخرجه ابو يعلى فى المسند (2615)»

الحكم على الحديث:
إسنادہ ضعیف
مزید تخریج الحدیث شرح دیکھیں
249. بَابُ مَا جَاءَ فِي أَبِي هِنْدٍ الْحَجَّامِ - رَضِيَ اللَّهُ عَنْهُ -
حضرت ابوہند حجام رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16013
عَنْ عَائِشَةَ: أَنَّ أَبَا هِنْدٍ - مَوْلَى بَنِي بَيَاضَةَ - كَانَ حَجَّامًا، حَجَمَ النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -:" مَنْ سَرَّهُ أَنْ يَنْظُرَ إِلَى رَجُلٍ صَوَّرَ اللَّهُ الْإِيمَانَ فِي قَلْبِهِ، فَلْيَنْظُرْ إِلَى أَبِي هِنْدٍ". وَقَالَ:" أَنْكِحُوا أَبَا هِنْدٍ، وَأَنْكِحُوا إِلَيْهِ".
رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ الْوَاحِدِ بْنُ إِسْحَاقَ الطَّبَرَانِيُّ وَلَمْ أَعْرِفْهُ، وَبَقِيَّةُ رِجَالِهِ ثِقَاتٌ.
سیدہ عائشہ صدیقہ رضی اللہ عنہا بیان کرتی ہیں: ابوہند بنو بیاضہ کا غلام تھا، وہ پچھنے لگایا کرتا تھا، اس نے نبی اکرم صلی اللہ علیہ وسلم کو پچھنے لگائے، تو نبی اکرم صلی اللہ علیہ وسلم نے ارشاد فرمایا: ”جو شخص یہ چاہتا ہو کہ وہ کسی ایسے شخص کو دیکھے کہ جس کے دل میں، اللہ تعالیٰ نے ایمان کو نقش کر دیا ہے تو وہ ابوہند کو دیکھ لے۔“ نبی اکرم صلی اللہ علیہ وسلم نے یہ بھی ارشاد فرمایا: ”ابوہند کی شادی کروا دو اور ابوہند کے ساتھ شادی کروا دو۔“
یہ روایت امام طبرانی نے معجم اوسط میں نقل کی ہے، اس کی سند میں ایک راوی عبدالواحد بن اسحاق طبرانی ہے اور میں اس سے واقف نہیں ہوں، اس روایت کے بقیہ رجال ثقہ ہیں۔ [مجمع الزاوئد ومنبع الفوائد/كتاب المناقب/حدیث: 16013]
تخریج الحدیث: «أخرجه المعجم الأوسط للطبراني برقم: 6540»

الحكم على الحديث:
إسنادہ ضعیف
مزید تخریج الحدیث شرح دیکھیں
250. بَابُ مَا جَاءَ فِي مُعَاوِيَةَ بْنِ مُعَاوِيَةَ اللَّيْثِيِّ - رَضِيَ اللَّهُ عَنْهُ - -
حضرت معاویہ بن معاویہ لیثی رضی اللہ عنہ کے بارے میں، جو کچھ منقول ہے
اظهار التشكيل
حدیث نمبر: 16014
عَنْ أَنَسِ بْنِ مَالِكٍ قَالَ: كُنَّا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - بِتَبُوكَ، فَطَلَعَتِ الشَّمْسُ بِضِيَاءٍ وَشُعَاعٍ وَنُورٍ لَمْ نَرَهَا طَلَعَتْ فِيمَا مَضَى بِمِثْلِهِ، فَأَتَى جِبْرِيلُ النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ:" يَا جِبْرِيلُ، مَا لِي أَرَى الشَّمْسَ الْيَوْمَ طَلَعَتْ بِضِيَاءٍ وَنُورٍ وَشُعَاعٍ لَمْ أَرَهَا طَلَعَتْ فِيمَا مَضَى؟". قَالَ: إِنَّ ذَلِكَ مُعَاوِيَةُ بْنُ مُعَاوِيَةَ اللَّيْثِيُّ مَاتَ بِالْمَدِينَةِ الْيَوْمَ، فَبَعَثَ اللَّهُ عَلَيْهِ أَلْفَ مَلَكٍ يُصَلُّونَ عَلَيْهِ قَالَ:" وَفِيمَ ذَلِكَ؟". قَالَ: كَانَ يُكْثِرُ قِرَاءَةَ: (قُلْ هُوَ اللَّهُ أَحَدٌ) فِي اللَّيْلِ وَالنَّهَارِ، وَفِي مَمْشَاهُ وَقِيَامِهِ وَقُعُودِهِ، فَهَلْ لَكَ يَا رَسُولَ اللَّهِ، أَنْ أَقْبِضَ لَكَ الْأَرْضَ فَتُصَلِّي عَلَيْهِ؟ قَالَ:" نَعَمْ". فَصَلَّى عَلَيْهِ.
رَوَاهُ أَبُو يَعْلَى، وَفِيهِ الْعَلَاءُ بْنُ زَيْدَلٍ أَبُو مُحَمَّدٍ الثَّقَفِيُّ، وَهُوَ مَتْرُوكٌ.
سیدنا انس بن مالک رضی اللہ عنہ بیان کرتے ہیں: ہم لوگ نبی اکرم صلی اللہ علیہ وسلم کے ساتھ تبوک میں موجود تھے، جب سورج نکلا تو اس کی روشنی تیز تھی، اس سے پہلے ہم نے اس کو کبھی اس طرح چمکدار عالم میں طلوع ہوتے ہوئے نہیں دیکھا تھا، سیدنا جبرائیل علیہ السلام نبی اکرم صلی اللہ علیہ وسلم کے پاس آئے، تو نبی اکرم صلی اللہ علیہ وسلم نے ارشاد فرمایا: اے جبرائیل! کیا وجہ ہے کہ آج میں دیکھ رہا ہوں کہ سورج کی روشنی بہت تیز ہے؟ اس سے پہلے میں نے کبھی اسے اس طرح طلوع ہوتے ہوئے نہیں دیکھا، تو سیدنا جبرائیل علیہ السلام نے بتایا کہ مدینہ منورہ میں آج سیدنا معاویہ بن معاویہ لیثی رضی اللہ عنہ کا انتقال ہو گیا ہے، تو اللہ تعالیٰ نے ان کی طرف ایک ہزار فرشتے بھیجے ہیں، تاکہ وہ ان کی نماز جنازہ ادا کریں، نبی اکرم صلی اللہ علیہ وسلم نے دریافت کیا: اس کی وجہ کیا ہے؟ تو سیدنا جبرائیل علیہ السلام نے بتایا: وہ رات اور دن میں، چلتے ہوئے قیام کے دوران، بیٹھنے کے دوران، کثرت کے ساتھ سورہ اخلاص پڑھا کرتے تھے، پھر انہوں نے دریافت کیا: یا رسول اللہ! کیا آپ اس بات میں دلچسپی رکھتے ہیں کہ میں آپ کے لئے زمین کو سمیٹ دوں اور آپ ان کی نماز جنازہ ادا کر لیں؟ نبی اکرم صلی اللہ علیہ وسلم نے جواب دیا: جی ہاں! تو نبی اکرم صلی اللہ علیہ وسلم نے اُن کی نماز جنازہ ادا کی۔
یہ روایت امام ابویعلیٰ نے نقل کی ہے، اس کی سند میں ایک راوی علاء بن زیدل ابومحمد ثقفی ہے اور وہ متروک ہے۔ [مجمع الزاوئد ومنبع الفوائد/كتاب المناقب/حدیث: 16014]
تخریج الحدیث: «اخرجه ابو يعلى فى المسند (4267)، أخرجه إتحاف الخيرة المهرة بزوائد المسانيد العشرة برقم: 5913/1»

الحكم على الحديث:
إسنادہ ضعیف جداً
مزید تخریج الحدیث شرح دیکھیں