🏠 👥 🔍 🧩 🅰️ 📌 ↩️

الحمدللہ ! آج حدیث مبارک کی دو نئی کتب مسند أبي يعلى الموصلي اور المعجم الأوسط اردو عربی سرچ سہولت کے ساتھ پیش کر دی گئی ہے۔ News
مجمع الزاوئد ومنبع الفوائد سے متعلقہ
تمام کتب
ترقیم شاملہ
عربی
اردو
حدیث کتب میں نمبر سے حدیث تلاش کریں:

مجمع الزاوئد ومنبع الفوائد میں نمبر سے تلاش کل احادیث (18776)
حدیث نمبر لکھیں:
مجمع الزاوئد ومنبع الفوائد میں عربی لفظ/الفاظ تلاش کریں
عربی لفظ / الفاظ لکھیں:
مجمع الزاوئد ومنبع الفوائد میں اردو لفظ/الفاظ تلاش کریں
اردو لفظ / الفاظ لکھیں:
45. بَابُ مَا يَقُولُ إِذَا رَكِبَ دَابَّةً .
جب آدمی سواری پر سوار ہو، تو کیا پڑھے؟
اظهار التشكيل
حدیث نمبر: 17093
عَنْ أَبِي لَاسٍ الْخُزَاعِيِّ قَالَ: حَمَلَنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى إِبِلٍ مِنْ إِبِلِ الصَّدَقَةِ بُلْجٍ، فَقُلْنَا: يَا رَسُولَ اللَّهِ، مَا نَرَى أَنْ تَحْمِلَنَا هَذِهِ! فَقَالَ:" مَا مِنْ بَعِيرٍ إِلَّا فِي ذُرْوَتِهِ شَيْطَانٌ، فَاذْكُرُوا اسْمَ اللَّهِ - عَزَّ وَجَلَّ - إِذَا رَكِبْتُمُوهَا كَمَا أَمَرَكُمُ اللَّهُ، ثُمَّ امْتَهِنُوهَا لِأَنْفُسِكُمْ ; فَإِنَّهَا تَحْمِلُ بِإِذْنِ اللَّهِ - عَزَّ وَجَلَّ -".
رَوَاهُ أَحْمَدُ، وَالطَّبَرَانِيُّ بِأَسَانِيدَ، وَرِجَالُ أَحَدِهَا رِجَالُ الصَّحِيحِ غَيْرَ مُحَمَّدِ بْنِ إِسْحَاقَ، وَقَدْ صَرَّحَ بِالسَّمَاعِ فِي إِحْدَاهِمَا.
سیدنا ابولاس خزاعی رضی اللہ عنہ بیان کرتے ہیں: نبی اکرم صلی اللہ علیہ وسلم نے صدقہ کے اونٹوں میں سے ہمیں کچھ اونٹ سواری کے لئے دیئے، ہم نے عرض کی: یا رسول اللہ! ہمارا نہیں خیال کہ ہم ان پر سواری کر پائیں گے، نبی اکرم صلی اللہ علیہ وسلم نے ارشاد فرمایا: ہر ایک اونٹ کی کوہان پر شیطان موجود ہوتا ہے، تو جب تم اس پر سوار ہونے لگو تو اس پر اللہ کا نام ذکر کر لو، جیسا کہ اللہ تعالیٰ نے تمہیں حکم دیا ہے، اور پھر اس کو اپنے آپ کے لئے قابو کر لو، اللہ کے اذن کے تحت وہ سواری کے کام آئے گا۔
یہ روایت امام أحمد نے اور امام طبرانی نے مختلف اسانید کے ساتھ نقل کی ہے، ان دونوں میں سے ایک کے رجال ”صحیح“ کے رجال ہیں، صرف محمد بن اسحاق کا معاملہ مختلف ہے اور اس نے سماع کی صراحت کی ہے، جو ان دونوں میں سے ایک روایت میں ہے۔ [مجمع الزاوئد ومنبع الفوائد/كتاب الأذكار/حدیث: 17093]
تخریج الحدیث: «اخرجه الطبراني فى المعجم الكبير (334/22) اخرجه احمد فى المسند (221/4)، أخرجه مسند أحمد برقم: 17479، 17480»

الحكم على الحديث:
إسنادہ حسن
مزید تخریج الحدیث شرح دیکھیں
اظهار التشكيل
حدیث نمبر: 17094
وَعَنْ مُحَمَّدِ بْنِ حَمْزَةَ بْنِ عَمْرٍو الْأَسْلَمِيِّ: أَنَّهُ سَمِعَ أَبَاهُ يَقُولُ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ:" عَلَى كُلِّ بَعِيرٍ شَيْطَانٌ، فَإِذَا رَكِبْتُمُوهَا فَسَمُّوا اللَّهَ - عَزَّ وَجَلَّ - وَلَا تُقَصِّرُوا عَنْ حَاجَاتِكُمْ".
رَوَاهُ أَحْمَدُ، وَالطَّبَرَانِيُّ فِي الْكَبِيرِ وَالْأَوْسَطِ، وَرِجَالُهُمَا رِجَالُ الصَّحِيحِ غَيْرَ مُحَمَّدِ بْنِ حَمْزَةَ، وَهُوَ ثِقَةٌ.
محمد بن حمزہ بن عمرو اسلمی بیان کرتے ہیں: انہوں نے اپنے والد کو یہ بیان کرتے ہوئے سنا ہے: وہ کہتے ہیں میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے: ”ہر اونٹ کی پشت پر شیطان موجود ہوتا ہے، جب تم اس پر سوار ہو تو اللہ کا نام لے لو، اور اپنی حاجت کے بارے میں کوتاہی نہ کرو۔“
یہ روایت امام أحمد نے امام طبرانی نے معجم کبیر اور معجم اوسط میں نقل کی ہے اور ان دونوں کے رجال صحیح کے رجال ہیں، صرف محمد بن حمزہ کا معاملہ مختلف ہے اور وہ ثقہ ہے۔ [مجمع الزاوئد ومنبع الفوائد/كتاب الأذكار/حدیث: 17094]
تخریج الحدیث: «اخرجه الطبراني فى المعجم الكبير (2993) اخرجه احمد فى المسند (494/3)، أخرجه مسند أحمد برقم: 15609، وأخرجه سنن الدارمي برقم: 2667»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 17095
وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" عَلَى ذُرْوَةِ سَنَامِ كُلِّ بَعِيرٍ شَيْطَانٌ، فَامْتَهِنُوهَا".
رَوَاهُ الطَّبَرَانِيُّ فِي الْأَوْسَطِ، وَفِيهِ الْقَاسِمُ بْنُ غُصْنٍ، وَهُوَ ضَعِيفٌ.
سیدنا عبداللہ بن عمر رضی اللہ عنہما روایت کرتے ہیں: نبی اکرم صلی اللہ علیہ وسلم نے ارشاد فرمایا: ”ہر اونٹ کی کوہان کے کونے پر شیطان موجود ہوتا ہے، تو تم اس (اونٹ) کو قابو میں کر لو۔“
یہ روایت امام طبرانی نے معجم اوسط میں نقل کی ہے، اس کی سند میں ایک راوی قاسم بن غصن ہے اور وہ ضعیف ہے۔ [مجمع الزاوئد ومنبع الفوائد/كتاب الأذكار/حدیث: 17095]
تخریج الحدیث: «أخرجه المعجم الأوسط للطبراني برقم: 6684»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 17096
وَعَنْ عُقْبَةَ بْنِ عَامِرٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" مَا مِنْ رَاكِبٍ يَخْلُو فِي مَسِيرِهِ بِاللَّهِ وَذِكْرِهِ، إِلَّا رَدِفَهُ مَلَكٌ، وَلَا يَخْلُو بِشِعْرٍ وَنَحْوِهِ إِلَّا رَدِفَهُ شَيْطَانٌ".
رَوَاهُ الطَّبَرَانِيُّ، وَإِسْنَادُهُ حَسَنٌ.
سیدنا عقبہ بن عامر رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشاد فرمایا: ”جو شخص سفر کے دوران اللہ کو یاد کرتا ہے، اور اس کا ذکر کرتا ہے، تو اس کے ساتھ فرشتہ مل جاتا ہے، اور جو شعر وغیرہ سناتا ہے، اس کے ساتھ شیطان مل جاتا ہے۔“
یہ روایت امام طبرانی نے نقل کی ہے اور اس کی سند حسن ہے۔ [مجمع الزاوئد ومنبع الفوائد/كتاب الأذكار/حدیث: 17096]
تخریج الحدیث: «اخرجه الطبراني فى المعجم الكبير (324/17)»

الحكم على الحديث:
إسنادہ حسن۔
مزید تخریج الحدیث شرح دیکھیں
اظهار التشكيل
حدیث نمبر: 17097
وَعَنِ ابْنِ مَسْعُودٍ قَالَ: إِذَا رَكِبَ الرَّجُلُ الدَّابَّةَ فَلَمْ يَذْكُرِ اسْمَ اللَّهِ رَدِفَهُ الشَّيْطَانُ فَقَالَ لَهُ: تَغَنَّ، فَإِنْ لَمْ يُحْسِنْ قَالَ لَهُ: تَمَنَّ.
رَوَاهُ الطَّبَرَانِيُّ مَوْقُوفًا، وَرِجَالُهُ رِجَالُ الصَّحِيحِ.
سیدنا عبداللہ بن مسعود رضی اللہ عنہ بیان کرتے ہیں: جب آدمی سواری پر سوار ہو، اور اللہ کا نام نہ لے، تو شیطان اس کے پیچھے بیٹھ جاتا ہے، اور یہ کہتا ہے: تم کچھ گنگناؤ! اگر وہ شخص یہ نہ کرے، تو شیطان اس سے کہتا ہے: تم کوئی آرزو کرو!
یہ روایت امام طبرانی نے ”موقوف“ روایت کے طور پر نقل کی ہے، اور اس کے رجال ”صحیح“ کے رجال ہیں۔ [مجمع الزاوئد ومنبع الفوائد/كتاب الأذكار/حدیث: 17097]
تخریج الحدیث: «اخرجه الطبراني فى المعجم الكبير (8781)»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 17098
وَعَنِ ابْنِ عَبَّاسٍ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَرْدَفَهُ عَلَى دَابَّتِهِ، فَلَمَّا اسْتَوَى عَلَيْهَا كَبَّرَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - ثَلَاثًا، وَحَمَدَ اللَّهَ ثَلَاثًا، وَسَبَّحَ اللَّهَ ثَلَاثًا، وَهَلَّلَ اللَّهَ وَاحِدَةً، ثُمَّ اسْتَلْقَى عَلَيْهِ فَضَحِكَ، ثُمَّ أَقْبَلَ عَلَيْهِ فَقَالَ:" مَا مِنِ امْرِئٍ يَرْكَبُ دَابَّتَهُ فَيَصْنَعُ كَمَا صَنَعْتُ إِلَّا أَقْبَلَ اللَّهُ - عَزَّ وَجَلَّ - فَضَحِكَ إِلَيْهِ كَمَا ضَحِكْتُ إِلَيْكَ".
رَوَاهُ أَحْمَدُ، وَفِيهِ أَبُو بَكْرِ بْنُ أَبِي مَرْيَمَ، وَهُوَ ضَعِيفٌ.
سیدنا عبداللہ بن عباس رضی اللہ عنہما بیان کرتے ہیں: نبی اکرم صلی اللہ علیہ وسلم نے انہیں اپنے پیچھے سواری پر بٹھا لیا، جب وہ سواری کھڑی ہوئی تو نبی اکرم صلی اللہ علیہ وسلم نے تین مرتبہ تکبیر کہی، تین مرتبہ «الحمدلله» پڑھا، تین مرتبہ سبحان اللہ پڑھا، ایک مرتبہ «لَا إِلَهَ إِلَّا الله» پڑھا، پھر آپ سیدھے بیٹھ گئے، اور ہنس پڑے، پھر آپ سیدنا عبداللہ بن عباس رضی اللہ عنہما کی طرف متوجہ ہوئے اور آپ صلی اللہ علیہ وسلم نے ارشاد فرمایا: ”جو شخص سواری پر سوار ہو اور پھر اس طرح کرے، جس طرح میں نے کیا ہے، تو اللہ تعالیٰ اس کی طرف متوجہ ہو کر یوں مسکرا دیتا ہے جیسے میں تمہاری طرف دیکھ کر مسکرایا ہوں۔“
یہ روایت امام أحمد نے نقل کی ہے، اس کی سند میں ایک راوی ابوبکر بن ابومریم ہے اور وہ ضعیف ہے۔ [مجمع الزاوئد ومنبع الفوائد/كتاب الأذكار/حدیث: 17098]
تخریج الحدیث: «اخرجه احمد فى المسند (3058)، أخرجه مسند أحمد برقم: 3049»

الحكم على الحديث:
إسنادہ ضعیف
مزید تخریج الحدیث شرح دیکھیں
46. بَابُ مَا يَقُولُ إِذَا عَثَرَتِ الدَّابَّةُ .
جب آدمی کا جانور ٹھوکر کھائے، تو آدمی کیا پڑھے؟
اظهار التشكيل
حدیث نمبر: 17099
عَنْ أَبِي تَمِيمَةَ الْهُجَيْمِيِّ، عَنْ مَنْ كَانَ رِدْفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: كُنْتُ رِدْفَهُ عَلَى حِمَارٍ، فَعَثَرَ الْحِمَارُ فَقُلْتُ: تَعِسَ الشَّيْطَانُ، فَقَالَ النَّبِيُّ - صَلَّى اللَّهُ عَلَيْهِ وَسَلَّمَ:" لَا تَقُلْ: تَعِسَ الشَّيْطَانُ ; فَإِنَّكَ إِذَا قُلْتَ: تَعِسَ الشَّيْطَانُ، تَعَاظَمَ فِي نَفْسِهِ وَقَالَ: صَرَعْتُهُ بِقُوَّتِي، وَإِذَا قُلْتَ: بِسْمِ اللَّهِ، تَصَاغَرَتْ إِلَيْهِ نَفْسُهُ حَتَّى يَكُونَ أَصْغَرَ مِنْ ذُبَابٍ".
رَوَاهُ أَحْمَدُ بِأَسَانِيدَ، وَرِجَالُهَا كُلُّهَا رِجَالُ الصَّحِيحِ.
ابوتمیمہ ہجیمی، اُن صاحب کے حوالے سے یہ بات نقل کرتے ہیں، جو سواری پر نبی اکرم صلی اللہ علیہ وسلم کے پیچھے موجود تھے، وہ بیان کرتے ہیں: میں نبی اکرم صلی اللہ علیہ وسلم کے پیچھے ایک گدھے پر سوار تھا، اُس گدھے کو ٹھوکر لگی، تو میں نے کہا: شیطان برباد ہو جائے، نبی اکرم صلی اللہ علیہ وسلم نے ارشاد فرمایا: تم یہ نہ کہو: شیطان برباد ہو جائے، کیونکہ اگر تم یہ کہو: کہ شیطان برباد ہو جائے، تو شیطان خود کو بڑا سمجھنے لگتا ہے، اور یہ کہتا ہے، میں نے اپنی قوت کے ذریعے اسے گرایا ہے، نبی اکرم صلی اللہ علیہ وسلم نے فرمایا: لیکن اگر تم ”بسم الله“ پڑھ لو تو شیطان کا وجود اُس کے اپنے نزدیک چھوٹا ہو جاتا ہے، یہاں تک کہ وہ مکھی سے بھی چھوٹا ہو جاتا ہے۔
یہ روایت امام أحمد نے مختلف اسانید کے ساتھ نقل کی ہے اور اس کے تمام رجال ”صحیح“ کے رجال ہیں۔ [مجمع الزاوئد ومنبع الفوائد/كتاب الأذكار/حدیث: 17099]
تخریج الحدیث: «اخرجه احمد فى المسند (59/5)، أخرجه مسند أحمد برقم: 20068، وأخرجه مصنف عبد الرزاق برقم: 20899»

الحكم على الحديث:
إسنادہ صحیح
مزید تخریج الحدیث شرح دیکھیں
اظهار التشكيل
حدیث نمبر: 17100
وَعَنْ أَبِي الْمَلِيحِ بْنِ أُسَامَةَ، عَنْ أَبِيهِ قَالَ: كُنْتَ رَدِيفَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَعَثَرَ بَعِيرُنَا فَقُلْتُ: تَعِسَ الشَّيْطَانُ، فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" لَا تَقُلْ: تَعِسَ الشَّيْطَانُ ; فَإِنَّهُ يَعْظُمُ حَتَّى يَصِيرَ مِثْلَ الْبَيْتِ، وَيَقُولُ: بِقُوَّتِي، وَلَكِنْ قُلْ: بِسْمِ اللَّهِ ; فَإِنَّهُ يَصِيرُ مِثْلَ الذُّبَابِ".
رَوَاهُ الطَّبَرَانِيُّ، وَرِجَالُهُ رِجَالُ الصَّحِيحِ غَيْرَ مُحَمَّدِ بْنِ حُمْرَانَ، وَهُوَ ثِقَةٌ.
ابوملیح بن اسامہ اپنے والد کا یہ بیان نقل کرتے ہیں: میں سواری پر نبی اکرم صلی اللہ علیہ وسلم کے پیچھے موجود تھا، ہمارے اونٹ کو ٹھوکر لگی، تو میں نے کہا: شیطان برباد ہو جائے، نبی اکرم صلی اللہ علیہ وسلم نے ارشاد فرمایا: تم یہ نہ کہو: شیطان برباد ہو جائے، کیونکہ اس طرح وہ اتنا پھول جاتا ہے کہ گھر جتنا بڑا ہو جاتا ہے، اور یہ کہتا ہے: میں نے اپنی قوت کے ساتھ ایسا کیا ہے (نبی اکرم صلی اللہ علیہ وسلم نے فرمایا:) لیکن اگر تم ”بسم اللہ“ پڑھ لو! تو وہ مکھی جتنا ہو جائے گا۔
یہ روایت امام طبرانی نے نقل کی ہے، اور اس کے رجال ”صحیح“ کے رجال ہیں، صرف محمد بن حمران کا معاملہ مختلف ہے اور وہ ثقہ ہے۔ [مجمع الزاوئد ومنبع الفوائد/كتاب الأذكار/حدیث: 17100]
تخریج الحدیث: «اخرجه الطبراني فى المعجم الكبير“ (516)، أخرجه سنن أبي داود برقم: 4982، وأخرجه المستدرك على الصحيحين برقم: 7863، وأخرجه المعجم الكبير للطبراني برقم: 516، وأخرجه الأحاديث المختارة برقم: 1412، وأخرجه السنن الكبرى للنسائي برقم: 10613، 10614، وأخرجه شرح مشكل الآثار برقم: 368، وأخرجه إتحاف الخيرة المهرة بزوائد المسانيد العشرة برقم: 6147/1»

الحكم على الحديث:
إسنادہ صحیح
مزید تخریج الحدیث شرح دیکھیں
47. بَابُ مَا يَقُولُ إِذَا رَكِبَ الْبَحْرَ .
جب آدمی سمندر میں (بحری جہاز یا کشتی پر) سوار ہو، تو کیا پڑھے؟
اظهار التشكيل
حدیث نمبر: 17101
عَنِ الْحُسَيْنِ بْنِ عَلِيٍّ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ:" أَمَانُ أُمَّتِي مِنَ الْغَرَقِ إِذَا رَكِبُوا الْبَحْرَ أَنْ يَقُولُوا: (بِسْمِ اللَّهِ مَجْرِيهَا وَمُرْسَاهَا إِنَّ رَبِّي لَغَفُورٌ رَحِيمٌ) (وَمَا قَدَرُوا اللَّهَ حَقَّ قَدْرِهِ) الْآيَةَ".
رَوَاهُ أَبُو يَعْلَى عَنْ شَيْخِهِ جُبَارَةَ بْنِ مُغَلِّسٍ، وَهُوَ ضَعِيفٌ.
سیدنا امام حسین بن علی رضی اللہ عنہما بیان کرتے ہیں: نبی اکرم صلی اللہ علیہ وسلم نے ارشاد فرمایا: ”میری امت کے لوگ جب سمندر (یعنی سمندری سفر کے دوران بحری جہاز یا کشتی) پر سوار ہوں گے، تو ڈوبنے سے اُن کی امان یہ ہے کہ وہ یہ پڑھ لیں:
﴿بِسْمِ اللَّهِ مَجْرِيهَا وَمُرْسَاهَا إِنَّ رَبِّي لَغَفُورٌ رَحِيمٌ﴾ [هود: 41]
”اللہ تعالیٰ کے نام سے برکت حاصل کرتے ہوئے اس (کشتی) کا چلنا ہے، اور ٹھہرنا ہے، بیشک میرا پروردگار مغفرت کرنے والا، رحم والا ہے۔“
﴿ وَمَا قَدَرُوا اللَّهَ حَقَّ قَدْرِهِ ﴾ [الأنعام: 91] «الْآيَةَ»
”اور انہوں نے اللہ تعالیٰ کی یوں قدر نہیں کی، جو اس کی قدر کا حق تھا۔“
یہ روایت امام ابویعلیٰ نے اپنے استاد جبارہ بن مغلس کے حوالے سے نقل کی ہے اور وہ ضعیف ہے۔ [مجمع الزاوئد ومنبع الفوائد/كتاب الأذكار/حدیث: 17101]
تخریج الحدیث: «اخرجه ابو يعلى فى المسند (6781)»

الحكم على الحديث:
إسنادہ ضعیف
مزید تخریج الحدیث شرح دیکھیں
اظهار التشكيل
حدیث نمبر: 17102
وَعَنِ ابْنِ عَبَّاسٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ:" أَمَانُ أُمَّتِي مِنَ الْغَرَقِ إِذَا رَكِبُوا السُّفُنَ أَوِ الْبَحْرَ أَنْ يَقُولُوا: بِسْمِ اللَّهِ الْمَلِكِ: (وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ) ، (بِسْمِ اللَّهِ مَجْرِيهَا وَمُرْسَاهَا إِنَّ رَبِّي لَغَفُورٌ رَحِيمٌ) .
رَوَاهُ الطَّبَرَانِيُّ فِي الْأَوْسَطِ وَالْكَبِيرِ، وَفِيهِ نَهْشَلُ بْنُ سَعِيدٍ، وَهُوَ مَتْرُوكٌ.
سیدنا عبداللہ بن عباس رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں: ”ڈوبنے سے میری اُمت کی امان یہ ہے کہ جب وہ کشتیوں (راوی کو شک ہے، شاید یہ الفاظ ہیں:) سمندر (کے سفر کے دوران بحری جہاز، یا کشتی وغیرہ) پر سوار ہوں، تو وہ یہ پڑھ لیں:
«بِسْمِ اللَّهِ الْمَلِكِ»: ﴿وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعًا قَبْضَتُهُ يَوْمَ الْقِيَامَةِ وَالسَّمَاوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ﴾ [الزمر: 67]
﴿بِسْمِ اللَّهِ مَجْرِيهَا وَمُرْسَاهَا إِنَّ رَبِّي لَغَفُورٌ رَحِيمٌ﴾ [هود: 41]
”اللہ تعالیٰ کے نام سے برکت حاصل کرتے ہوئے، جو بادشاہ ہے، ان لوگوں نے اللہ تعالیٰ کی یوں قدر نہیں کی، جو اس کی قدر کا حق تھا اور قیامت کے دن ساری زمین اس کے دست قدرت میں ہو گی، اور آسمان اس کے دائیں ہاتھ میں لپیٹے گئے ہوں گے، وہ اس سے پاک ہے اور بلند و برتر ہے، جو وہ لوگ شرک کرتے ہیں، ”اللہ تعالیٰ کے نام سے برکت حاصل کرتے ہوئے اس (کشتی) کا چلنا ہے اور ٹھہرنا ہے، بیشک میرا پروردگار مغفرت کرنے والا، رحم والا ہے۔“

یہ روایت امام طبرانی نے معجم اوسط اور معجم کبیر میں نقل کی ہے، اس کی سند میں ایک راوی نہشل بن سعید ہے اور وہ متروک ہے۔ [مجمع الزاوئد ومنبع الفوائد/كتاب الأذكار/حدیث: 17102]
تخریج الحدیث: «اخرجه الطبراني فى المعجم الكبير (12661)، أخرجه المعجم الكبير للطبراني برقم: 12661، وأخرجه المعجم الأوسط للطبراني برقم: 6132»

الحكم على الحديث:
إسنادہ ضعیف
مزید تخریج الحدیث شرح دیکھیں