الحمدللہ! انگلش میں کتب الستہ سرچ کی سہولت کے ساتھ پیش کر دی گئی ہے۔
حدود، معاملات، احکام
सीमाएं, मामले, नियम
886. نامناسب کام پر اٹھائی ہوئی قسم کو کیسے پورا کیا جائے؟
“ अनुचित काम पर ली गई क़सम को कैसे पूरा करें? ”
حدیث نمبر: 1283 |
|
سیدہ عائشہ رضی اللہ عنہا بیان کرتی ہیں کہ نبی کریم صلی اللہ علیہ وسلم نے فرمایا: ”جس نے قطع رحمی پر یا نامناسب کام پر قسم اٹھائی، تو (شریعت میں) ایسی قسم کو پورا کرنا یہ ہے کہ اسے پورا نہ کیا جائے۔“
887. جھوٹی قسم کا انجام جہنم ہے
“ झूठी क़सम का नतीजा जहन्नम है ”
حدیث نمبر: 1284 |
|
سیدنا عمران بن حصین رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”جس نے جان بوجھ کر بڑی تاکید کے ساتھ جھوٹی قسم اٹھائی، وہ اپنا ٹھکانہ جہنم سے تیار کر لے۔“
888. دل کے ثابت قدم رہنے کی دعا اور وجہ
“ दिल को मज़बूती से जमाए रखने की दुआ और कारण ”
حدیث نمبر: 1285 |
|
شہر بن حوشب کہتے ہیں کہ میں نے سیدہ ام سلمہ رضی اللہ عنہا سے پوچھا: اے ام المؤمنین! جب رسول اللہ صلی اللہ علیہ وسلم آپ کے پاس ہوتے تو کون سی دعا بکثرت پڑھتے تھے؟ انہوں نے کہا: آپ صلی اللہ علیہ وسلم زیادہ تر یہ دعا پڑھتے تھے: ”اے دلوں کو الٹ پلٹ کرنے والے! میرے دل کو اپنے دین پر ثابت رکھ۔“ جب آپ صلی اللہ علیہ وسلم سے اس دعا کی وجہ دریافت کی گئی تو آپ صلی اللہ علیہ وسلم نے فرمایا: ”ہر آدمی کا دل اللہ تعالیٰ کی انگلیوں میں سے دو انگلیوں کے درمیان ہے۔ (اس کی مرضی ہے کہ) جس کو چاہے (راہ ہدایت پر) ثابت رکھے اور جس کو چاہے گمرہ کر دے۔“
889. ام المؤمنین سیدہ حفصہ رضی اللہ عنہا کو طلاق اور پھر رجوع
“ हज़रत हफ़सह रज़ि अल्लाहु अन्हा को तलाक़ और फिर रुजू ”
حدیث نمبر: 1286 |
|
سیدنا عبداللہ بن عباس رضی اللہ عنہما، سیدنا عمر رضی اللہ عنہ سے روایت کرتے ہیں کہ رسول اللہ صلی اللہ علیہ وسلم سیدہ حفصہ رضی اللہ عنہ کو طلاق دی تھی، پھر ان سے رجوع کر لیا تھا۔
890. بیوہ ہونے والی حاملہ کی عدت
“ गर्भवती महिला की इददत ”
حدیث نمبر: 1287 |
|
عبیداللہ بن عبداللہ بن عتبہ اپنے باپ سے روایت کرتے ہیں کہ سبیعہ بنت حارث کا اپنے خاوند کی وفات کے (کچھ دن بعد بچہ پیدہ ہوا) چند دن کے بعد وہ نفاس کے خون سے بھی پاک ہو گئی۔ ابوسنابل ان کے پاس سے گزرے اور کہا: تو اس وقت تک حلال نہیں ہو گی جب تک چار ماہ دس دن نہ گزر جائیں۔ جب اس نے یہ بات رسول اللہ صلی اللہ علیہ وسلم کے سامنے ذکر کی، تو آپ صلی اللہ علیہ وسلم نے فرمایا: ”ابوسنابل غلط کہہ رہا ہے، وہ حقیقت نہیں جو اس نے کہا:، تو واقعی حلال ہو چکی ہے اور نکاح کر سکتی ہے، اگر کوئی پسندیدہ آدمی تجھے پیغام نکاح بھیجے تو میرے پاس آ جانا یا مجھے آگاہ کرنا۔“
891. سانپ کو ایک ضرب ہی کافی ہے
“ सांप को एक चोट ही काफ़ी है ”
حدیث نمبر: 1288 |
|
سیدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”سانپ کو کوڑے وغیرہ کی ایک ضرب کافی ہے، وہ لگے یا نہ لگے۔“
892. یہود و نصاری کو جزیرہ عرب سے نکالنا
“ यहूदियों और ईसाईयों को जज़ीरह अरब से निकलना ”
حدیث نمبر: 1289 |
|
سیدنا جابر بن عبداللہ رضی اللہ عنہما کہتے ہیں: مجھے سیدنا عمر بن خطاب رضی اللہ عنہ نے بیان کیا کہ انہوں نے رسول اللہ صلی اللہ علیہ وسلم کو فرماتے سنا: ”میں یہودیوں اور عیسائیوں کو جزیرہ عرب سے نکال دوں گا اور یہاں مسلمان کے علاوہ کسی کو نہیں چھوڑوں گا۔“
893. ممنوعہ نام
“ वे नाम जो रखना मना हैं ”
حدیث نمبر: 1290 |
|
سیدنا عمر بن خطاب رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”اگر اللہ تعالیٰ نے چاہا اور میں زندہ رہا تو ان ناموں سے منع کر دوں گا: رباح، نجیح، افلح، نافع، یسار۔“
894. دماغی چوٹ میں قصاص کی مقدار
“ दिमाग़ी चोट पर कितना क़सास ”
حدیث نمبر: 1291 |
|
سیدنا طلحہ رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”دماغی چوٹ کا قصاص نہیں ہے۔“
895. یہودی و نصاریٰ سے مشابہت اختیار کرنا اور محض اشارے کے ذریعے سلام کرنا
“ यहूदियों और ईसाईयों की एकरूपता अपनाना ، इशारे से सलाम करना ”
حدیث نمبر: 1292 |
|
سیدنا عبداللہ بن عمرو رضی اللہ عنہ بیان کرتے ہیں کہ نبی کریم صلی اللہ علیہ وسلم نے فرمایا: ”جو دوسروں سے مشابہت اختیار کرے وہ ہم میں سے نہیں ہے، یہودیوں اور عیسائیوں کی مشابہت اختیار نہ کرو، یہودیوں کا سلام انگلیوں سے اشارہ کرنا ہے اور عیسائیوں کا سلام ہتھیلیوں سے اشارہ کرنا ہے۔“