الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
کتاب: عقیقے کے بیان میں
1. بَابُ مَا جَاءَ فِي الْعَقِيقَةِ
1. عقیقے کا بیان
حدیث نمبر: 1053 |
|
بنی ضمرہ کے ایک شخص سے روایت ہے، اس نے اپنے باپ سے سنا کہ رسول اللہ صلی اللہ علیہ وسلم سے عقیقے کے بارے پوچھا گیا۔ تو آپ صلی اللہ علیہ وسلم نے فرمایا: ”میں عقوق کو پسند نہیں کرتا“، یعنی اس نام کو ناپسند کیا اور فرمایا: ”جس شخص کا بچہ پیدا ہو اور وہ اپنے بچے کی طرف سے قربانی کرنا چاہے تو کرے۔“
تخریج الحدیث: «مرفوع صحيح لغيره، وأخرجه أحمد فى «مسنده» برقم: 23522، 24133، 24134، والبيهقي فى «سننه الكبير» برقم: 19275، والبيهقي فى «معرفة السنن والآثار» برقم: 5698، وابن أبى شيبة فى «مصنفه» برقم: 24722، والطحاوي فى «شرح مشكل الآثار» برقم: 1056، 1057، فواد عبدالباقي نمبر: 26 - كِتَابُ الْعَقِيقَةِ-ح: 1»
حدیث نمبر: 1054 |
|
حضرت محمد باقر سے روایت ہے کہ سیدہ فاطمہ رضی اللہ عنہا نے سیدنا حسن، سیدنا حسین اور سیدہ زینب اور سیدہ ام کلثوم رضی اللہ عنہم کے بال تول کر ان کے برابر چاندی اللہ کے لیے دی۔
تخریج الحدیث: «موقوف ضعيف، وأخرجه البيهقي فى "سننه الكبير"، 19290، 19291، وعبد الرزاق فى «مصنفه» برقم: 7973، 7974، وابن أبى شيبة فى «مصنفه» برقم: 24717، 24741، وأبو داود فى «المراسيل» برقم: 380 وانظر الترمذي: 1519، فواد عبدالباقي نمبر: 26 - كِتَابُ الْعَقِيقَةِ-ح: 2»
حدیث نمبر: 1055 |
|
حضرت محمد باقر سے روایت ہے کہ سیدہ فاطمہ رضی اللہ عنہا نے سیدنا حسن اور سیدنا حسین رضی اللہ عنہما کے بال تول کر ان کے برابر چاندی اللہ کے لیے دی۔
تخریج الحدیث: «موقوف ضعيف، وأخرجه البيهقي فى «سننه الكبير» برقم: 19284، وعبد الرزاق فى «مصنفه» برقم: 7973، 7974، وابن أبى شيبة فى «مصنفه» برقم: 24717، 24741، وأبو داود فى " «المراسيل» برقم: 380، فواد عبدالباقي نمبر: 26 - كِتَابُ الْعَقِيقَةِ-ح: 3»
2. بَابُ الْعَمَلِ فِي الْعَقِيقَةِ
2. عقیقے کی ترکیب کا بیان
حدیث نمبر: 1056 |
|
نافع سے روایت ہے کہ سیدنا عبداللہ بن عمر رضی اللہ عنہما سے جو کوئی ان کے گھر والوں میں سے عقیقے کو کہتا تو وہ دیتے، اور اپنی اولاد کی طرف سے خواہ لڑکا ہو یا لڑکی ایک ایک بکری عقیقے میں دیتے۔
تخریج الحدیث: «موقوف صحيح، وأخرجه البيهقي فى «سننه الكبير» برقم: 19284، وعبد الرزاق فى «مصنفه» برقم: 7964، وابن أبى شيبة فى «مصنفه» برقم: 24731، فواد عبدالباقي نمبر: 26 - كِتَابُ الْعَقِيقَةِ-ح: 4»
حدیث نمبر: 1057 |
|
حضرت محمد بن ابراہیم بن حارث تیمی سے روایت ہے کہ انہوں نے اپنے والد سے سنا کہ عقیقہ بہتر ہے اگرچہ ایک چڑیا ہی ہو۔
تخریج الحدیث: «مقطوع صحيح، وأخرجه البيهقي فى «معرفة السنن والآثار» برقم: 5700، وابن أبى شيبة فى «مصنفه» برقم: 14227، والشافعي فى «الاُم» برقم: 217/7، فواد عبدالباقي نمبر: 26 - كِتَابُ الْعَقِيقَةِ-ح: 5»
حدیث نمبر: 1058 |
|
امام مالک رحمہ اللہ کو پہنچا کہ سیدنا حسن اور سیدنا حسین رضی اللہ عنہما کا عقیقہ ہوا تھا۔
تخریج الحدیث: «مرفوع صحيح لغيره، وأخرجه أبو داود: 2841، و النسائي: 4219، والبيهقي فى «سننه الكبير» برقم: 19279، وابن أبى شيبة فى «مصنفه» برقم: 24733، فواد عبدالباقي نمبر: 26 - كِتَابُ الْعَقِيقَةِ-ح: 6»
حدیث نمبر: 1059 |
|
حضرت عروہ بن زبیر اپنی اولاد کی طرف سے خواہ لڑکا ہو یا لڑکی، ایک ایک بکری کرتے تھے عقیقے میں۔
تخریج الحدیث: «مقطوع صحيح، وأخرجه البيهقي فى «سننه الكبير» برقم: 19285 وابن أبى شيبة فى «مصنفه» برقم: 24240، فواد عبدالباقي نمبر: 26 - كِتَابُ الْعَقِيقَةِ-ح: 7»
حدیث نمبر: 1059ب1 |
|
امام مالک رحمہ اللہ نے فرمایا: ہمارے نزدیک یہ حکم ہے کہ لڑکا ہو یا لڑکی ہر ایک کی طرف سے ایک بکری دے، اور عقیقہ واجب نہیں ہے مستحب ہے، مگر عقیقے کی بکری مثل قربانی کے چاہیے، کانی اور دبلی اور سینگ ٹوٹی اور بیمار نہ ہو۔ اور عقیقے کا گوشت اور کھال بیچنا درست نہیں، اور ہڈیاں اس کی توڑنا چاہیے، اور عقیقہ کرنے والے عقیقے کے گوشت میں سے کھائیں اور فقیروں کو کھلائیں، اور عقیقے کی بکری کا خون بچے کو نہ لگائیں۔
تخریج الحدیث: «فواد عبدالباقي نمبر: 26 - كِتَابُ الْعَقِيقَةِ-ح: 7»