الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
کتاب: دیتوں کے بیان میں
حدیث نمبر: 1502 |
|
حضرت ابن شہاب کہتے تھے کہ یہ سنّت چلی آتی ہے کہ مرد اپنی عورت کو اگر زخمی کرے تو اس سے دیت لی جائے گی، اور قصاص نہ لیا جائے گا۔
تخریج الحدیث: «مقطوع صحيح، وأخرجه عبد الرزاق فى «مصنفه» برقم: 17974، 18535، وابن أبى شيبة فى «مصنفه» برقم: 27480، 27481، فواد عبدالباقي نمبر: 43 - كِتَابُ الْعُقُولِ-ح: 4ق5»
حدیث نمبر: 1502ب1 |
|
امام مالک رحمہ اللہ نے فرمایا کہ یہ جب ہے کہ مرد خطاء سے اپنی عورت کو زخمی کرے، عمداً یہ کام نہ کرے (اگر عمداً کرے تو قصاص واجب ہوگا)۔
تخریج الحدیث: «فواد عبدالباقي نمبر: 43 - كِتَابُ الْعُقُولِ-ح: 4ق5»
حدیث نمبر: 1502ب2 |
|
امام مالک رحمہ اللہ نے فرمایا کہ جس عورت کا خاوند یا لڑکا اس کی قوم سے نہ ہو تو عورت کی جنایت کی دیت میں وہ شریک نہ ہوگا، اسی طرح اس کا لڑکا یا اخیانی بھائی جب اور قوم سے ہوں، کیونکہ رسول اللہ صلی اللہ علیہ وسلم کے وقت سے دیت کنبے والوں پر ہوتی ہے، مگر میراث لڑکے اور اخیانی بھائیوں کو ملے گی جیسے عورت کے موالی (غلامان آزاد) کی میراث اس کے لڑکے کو ملے گی، اگرچہ اس کی قوم سے نہ ہو مگر اس کی جنایت کی دیت عورت کے کنبے والوں پر ہو گی۔
تخریج الحدیث: «فواد عبدالباقي نمبر: 43 - كِتَابُ الْعُقُولِ-ح: 4ق5»
7. بَابُ عَقْلِ الْجَنِينِ
7. پیٹ کے بچے کی دیت کا بیان
حدیث نمبر: 1503 |
|
سیدنا ابوہریرہ رضی اللہ عنہ سے روایت ہے کہ دو عورتیں ہذیل کی (ایک قبیلہ ہے) آپس میں لڑیں، ایک نے دوسرے کے پتھر مارا، اس کے پیٹ کا بچہ نکل پڑا۔ رسول اللہ صلی اللہ علیہ وسلم نے دیت میں ایک غلام یا ایک لونڈی دینے کا حکم کیا۔
تخریج الحدیث: «مرفوع صحيح، وأخرجه البخاري فى «صحيحه» برقم: 5758، 5759، 5760، 6740، 6904، 6909، 6910، ومسلم فى «صحيحه» برقم: 1681، وابن حبان فى «صحيحه» برقم: 6017، 6018، 6020، 6022، والنسائي فى «المجتبیٰ» برقم: 4823، والنسائي فى «الكبریٰ» برقم: 6992، 6993، 6994، 6995، وأبو داود فى «سننه» برقم: 4576، والترمذي فى «جامعه» برقم: 1410، 2111، والدارمي فى «مسنده» برقم: 2427، وابن ماجه فى «سننه» برقم: 2639، والبيهقي فى «سننه الكبير» برقم: 16231، والدارقطني فى «سننه» برقم: 3206، وأحمد فى «مسنده» برقم: 7337، وعبد الرزاق فى «مصنفه» برقم: 18338، فواد عبدالباقي نمبر: 43 - كِتَابُ الْعُقُولِ-ح: 5»
حدیث نمبر: 1504 |
|
حضرت سعید بن مسیّب سے روایت ہے کہ رسول اللہ صلی اللہ علیہ وسلم نے حکم کیا پیٹ کے بچے میں جو قتل کیا جائے ایک غلام یا لونڈی دینے کا، جس پر آپ صلی اللہ علیہ وسلم نے دیت دینے کا حکم کیا وہ بولا: کیونکر میں تاوان دوں اس بچے کا «مَن لَا شَرَبَ وَلَا اَكَلَ وَلَا نَطَقَ وَلَا اسْتَهَلَّ وَمِثْلُ ذَالِكَ يُطَلُّ» جس نے نہ پیا، نہ کھایا، نہ بولا، نہ رویا، ایسے شخص کا خون ہدر ہے یعنی لغو ہے، اس میں دیت نہیں۔ رسول اللہ صلی اللہ علیہ وسلم نے فرمایا: ”یہ شخص کاہنوں کا بھائی ہے۔“
تخریج الحدیث: «مرفوع صحيح، وأخرجه البخاري فى «صحيحه» برقم: 5760، ومسلم فى «صحيحه» برقم: 1681، وأبو داود فى «سننه» برقم: 4577، والترمذي فى «جامعه» برقم: 1410، والدارمي فى «سننه» برقم: 2382 وابن ماجه فى «سننه» برقم: 2639، وأحمد فى «مسنده» برقم: 10966، والطبراني فى «الأوسط» برقم: 2946، 8101، فواد عبدالباقي نمبر: 43 - كِتَابُ الْعُقُولِ-ح: 6»
حدیث نمبر: 1505 |
|
حضرت ربیعہ بن ابوعبدالرحمٰن کہتے تھے کہ غلام یا لونڈی کی قیمت جو پیٹ کے بچے کی دیت میں دی جائے پچاس دینار ہونی چاہیے یا چھ سو درہم، اور عورت مسلمان آزاد کی دیت پانچ سو دینار ہیں یا چھ ہزار درہم۔
تخریج الحدیث: «مقطوع صحيح، وأخرجه البيهقي فى «سننه الكبير» برقم: 16427، فواد عبدالباقي نمبر: 43 - كِتَابُ الْعُقُولِ-ح: 6ق1»
حدیث نمبر: 1505ب1 |
|
امام مالک رحمہ اللہ نے فرمایا کہ آزاد عورت کے پیٹ میں جو بچہ ہے اس کی دیت عورت کی دیت کا دسواں حصّہ ہے اور وہ پچاس دینار ہے یا چھ سو درہم، اور یہ دیت پیٹ کے بچے میں اس وقت لازم آتی ہے جب کہ وہ پیٹ سے نکل پڑے مردہ ہو کر، میں نے کسی کو اس میں اختلاف کرتے نہیں سنا، اگر پیٹ سے زندہ نکل کر مرجائے تو پوری دیت لازم ہوگی۔
تخریج الحدیث: «فواد عبدالباقي نمبر: 43 - كِتَابُ الْعُقُولِ-ح: 6ق1»
حدیث نمبر: 1505ب2 |
|
امام مالک رحمہ اللہ نے فرمایا کہ جنین یعنی پیٹ کے بچے کی زندگی اس کے رونے سے معلوم ہوگی، اگر رو کر مرجائے تو پوری دیت لازم آئے گی، اور لونڈی کے جنین میں اس لونڈی کی قیمت کا دسواں حصّہ دینا ہوگا۔
تخریج الحدیث: «فواد عبدالباقي نمبر: 43 - كِتَابُ الْعُقُولِ-ح: 6ق1»
حدیث نمبر: 1505ب3 |
|
امام مالک رحمہ اللہ نے فرمایا کہ اگر ایک عورت حاملہ نے کسی مرد یا عورت کو مار ڈالا تو اس سے قصاص نہ لیا جائے گا جب تک وضع حمل نہ ہو، اگر عورت حاملہ کو کسی نے مار ڈالا عمداً یا خطاءً تو اس کے جنین کی دیت واجب نہ ہوگی، بلکہ اگر عمداً مارا ہے تو قاتل قتل کیا جائے گا، اور اگر خطاءً مارا ہے تو قاتل کے عاقلے پر عورت کی دیت واجب ہوگی۔
تخریج الحدیث: «فواد عبدالباقي نمبر: 43 - كِتَابُ الْعُقُولِ-ح: 6ق1»
حدیث نمبر: 1505ب4 |
|
سوال ہوا امام مالک رحمہ اللہ سے: اگر کسی نے یہودیہ یا نصرانیہ کے جنین کو مار ڈالا؟ جواب دیا کہ اس کی ماں کی دیت کا دسواں حصّہ دینا ہوگا۔
تخریج الحدیث: «فواد عبدالباقي نمبر: 43 - كِتَابُ الْعُقُولِ-ح: 6ق1»