حضرت عبداللہ بن دینار رحمہ اللہ سے روایت ہے، انہوں نے کہا کہ حضرت عبداللہ بن عمر رضی اللہ عنہ نے مسجد میں ایک شخص کو دیکھا کہ وہ اس کے کسی گوشے میں کپڑے پھیلا رہا ہے۔ آپ رضی اللہ عنہ نے فرمایا: ”دیکھو یہ کون ہے؟ کاش یہ میرے قریب ہوتا!“ ایک شخص نے کہا: ”اے عبدالرحمن رضی اللہ عنہ! کیا آپ انہیں نہیں جانتے؟ یہ تو حضرت محمد بن اسامہ رضی اللہ عنہ ہیں۔“ حضرت عبداللہ بن عمر رضی اللہ عنہ نے اپنا سر جھکا لیا اور دونوں ہاتھوں سے زمین کریدنے لگے۔ پھر فرمایا: ”اگر انہیں رسول اللہ صلی اللہ علیہ وسلم دیکھتے تو یقیناً آپ ان سے محبت کرتے۔“ [صحيح البخاري/كتاب فضائل الصحابة/حدیث: 3734]