«وَعَنْ» اور سے – «أَنَسٍ» انس – «رَضِيَ اللَّهُ عَنْهُ» اللہ ان سے راضی ہو – «أَنَّ» کہ – «النَّبِيَّ» نبی – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «كَانَ» تھے – «عِنْدَ» پاس – «بَعْضِ نِسَائِهِ» اپنی بعض بیویوں میں سے ایک کے – «فَأَرْسَلَتْ» تو بھیجا – «إِحْدَى» ایک نے – «أُمَّهَاتِ الْمُؤْمِنِينَ» امہات المومنین میں سے – «مَعَ خَادِمٍ لَهَا» اپنے ایک خادم کے ساتھ – «بِقَصْعَةٍ» ایک پیالہ – «فِيهَا» جس میں – «طَعَامٌ» کھانا تھا – «فَضَرَبَتْ» تو (اُس بیوی نے) مارا – «بِيَدِهَا» اپنے ہاتھ سے – «فَكَسَرَتِ» اور توڑ دیا – «الْقَصْعَةَ» پیالہ – «فَضَمَّهَا» تو آپ نے اسے جوڑا – «وَجَعَلَ» اور رکھا – «فِيهَا» اس میں – «الطَّعَامَ» کھانا – «وَقَالَ» اور فرمایا: – «كُلُوا» کھاؤ – «وَدَفَعَ» اور دے دیا – «الْقَصْعَةَ الصَّحِيحَةَ» صحیح سالم پیالہ – «لِلرَّسُولِ» قاصد کو – «وَحَبَسَ» اور روک لیا – «الْمَكْسُورَةَ» ٹوٹا ہوا۔ – «رَوَاهُ» اسے روایت کیا – «الْبُخَارِيُّ» بخاری – «وَالتِّرْمِذِيُّ» اور ترمذی نے – «وَسَمَّى» اور (ترمذی نے) نام لیا – «الضَّارِبَةَ» مارنے والی کا – «عَائِشَةَ» عائشہ – «وَزَادَ» اور اضافہ کیا: – «فَقَالَ» تو فرمایا – «النَّبِيُّ» نبی نے – «صَلَّى اللَّهُ عَلَيْهِ وَآلِهِ وَسَلَّمَ» اللہ کی رحمت ہو ان پر اور ان کی آل پر سلامتی ہو – «طَعَامٌ بِطَعَامٍ» کھانا کھانے کے بدلے – «وَإِنَاءٌ بِإِنَاءٍ» اور برتن برتن کے بدلے – «وَصَحَّحَهُ» اور اسے صحیح کہا۔
اور سیدنا انس رضی اللہ عنہ سے روایت ہے کہ نبی صلی اللہ علیہ وآلہ وسلم اپنی ایک زوجہ کے پاس تھے کہ امہات المومنین میں سے ایک نے اپنے خادم کے ہاتھ ایک پیالہ بھیجا جس میں کھانا تھا، تو (جس زوجہ کے گھر آپ تھے) انہوں نے اپنا ہاتھ مار کر پیالہ توڑ دیا، آپ نے اسے جوڑا، اس میں کھانا رکھا اور فرمایا: ”کھاؤ۔“ اور صحیح سالم پیالہ قاصد کو دے دیا اور ٹوٹا ہوا روک لیا۔ اسے بخاری اور ترمذی نے روایت کیا ہے، ترمذی نے مارنے والی کا نام سیدہ عائشہ رضی اللہ عنہا بتایا ہے اور یہ اضافہ کیا ہے: تو نبی صلی اللہ علیہ وآلہ وسلم نے فرمایا: ”کھانے کے بدلے کھانا اور برتن کے بدلے برتن۔“ اور ترمذی نے اسے صحیح کہا ہے۔ [بلوغ المرام/حدیث: 756]