یحییٰ بن سعید رحمہ اللہ بیان کرتے ہیں: میں نے سفیان ثوری رحمہ اللہ، شعبہ رحمہ اللہ، مالک رحمہ اللہ اور ابن عیینہ رحمہ اللہ (ائمہ دین اور ائمہ جرح و تعدیل) سے پوچھا: ایک آدمی حدیث میں معتبر اور ثقہ نہیں ہے، کوئی دوسرا آدمی میرے پاس آتا ہے اور اس کے بارے میں دریافت کرتا ہے (کہ یہ ثقہ اور معتبر ہے یا نہیں؟) سب نے کہا: اس کے بارے میں بتا دو کہ یہ ثقہ اور معتبر نہیں ہے۔ (کیونکہ اگر اس کی اصلیت اور حقیقت سے آگاہ نہیں کیا جائے گا، تو لوگ اس پر اعتماد کر کے اس کی غلط اور ضعیف روایات کو مان لیں گے اور وہ دین بن جائیں گی)۔ [صحيح مسلم/مقدمة/حدیث: 35]