امام صاحب رحمہ اللہ اپنے تین مختلف اساتذہ کی سند سے ہمام رحمہ اللہ کی مذکورہ سند سے مذکورہ بالا روایت بیان کرتے ہیں، مگر شعبہ رحمہ اللہ کی حدیث آپ صلی اللہ علیہ وسلم کے اس قول پر ختم ہو گئی ہے: ”وہ میرے رضاعی بھائی کی بیٹی ہے۔“ اور سعید رحمہ اللہ کی روایت میں ہے: ”واقعہ یہ ہے رضاعت سے وہ رشتے حرام ہو جاتے ہیں جو نسب سے حرام ہوتے ہیں۔“ (ہمام رحمہ اللہ کی روایت میں نسب کی جگہ رحم کا لفظ ہے) اور بشر بن عمر رحمہ اللہ کی روایت میں قتادہ رحمہ اللہ نے سماع کی تصریح کی ہے۔ قتادہ رحمہ اللہ مدلس راوی ہے، اس لیے اس کا عنعنہ معتبر نہیں ہے۔ [صحيح مسلم/كتاب الرضاع/حدیث: 3584]