حدیث حاشیہ:
فوائد ومسائل:
بعض احادیث سے معلوم ہوتا ہے کہ جب اولیائے مقتول نے،
بینہ پیش کرنے یا قسمیں اٹھانے یا یہود کی قسمیں قبول کرنے سے انکار کر دیا،
لیکن یہودیوں کو اس کا علم ہوا کہ ہم سے قسمیں لی جا سکتی ہیں،
تو وہ قسمیں اٹھانے کے لیے تیار ہو گئے،
اور آپ صلی اللہ علیہ وسلم کو اس کی اطلاع بھیجی کہ ہم قسمیں دینے کے لیے تیار ہیں،
چونکہ وہ قسموں کے دینے پر آمادہ تھے،
اس لیے بعض روایات میں آیا ہے کہ انہوں نے قسمیں اٹھائیں،
لیکن چونکہ انصار ان کی قسموں کو قبول کرنے پر آمادہ نہ ہوئے،
اس لیے آپ صلی اللہ علیہ وسلم نے ان سے قسمیں نہیں لیں،
اس لیے بعض روایات میں آیا ہے،
یہود نے قسمیں نہیں اٹھائیں۔
اس طرح دیت کا مسئلہ ہے،
جب یہود سے قسم قبول نہیں کی گئی تو ان سے دیت لینے کا مسئلہ بھی پس منظر میں چلا گیا،
لیکن یہود کو چونکہ خطرہ تھا کہ مقتول ہمارے علاقہ میں پایا گیا،
اس لیے انہوں نے اپنے طور پر کچھ اونٹ بھیج دئیے،
اور آپ صلی اللہ علیہ وسلم نے بھی قبول کر لیے اور دیت کی تکمیل اپنی طرف سے کی،
اور چونکہ مدعی علیہم قسم قبول نہیں کی گئی تھی،
اس لیے امام احمد کے قول کے مطابق ایسی صورت میں مقتول کی دیت،
بیت المال پر پڑتی ہے،
اس لیے اس کو بیت المال سے ادا کر دیا گیا،
چونکہ ادائیگی آپ کے حکم سے ہوئی تھی،
اس لیے یہ کہہ دیا گیا،
کہ آپ نے اپنی طرف سے دئیے،
اور چونکہ وہ اونٹ بیت المال سے ادا کیے گئے تھے،
اس لیے ان کو صدقہ کے اونٹ قرار دیا گیا،
اور بقول بعض وہ اونٹ صدقہ کے تھے،
لیکن آپ صلی اللہ علیہ وسلم نے قیمت اپنی طرف سے ادا کی تھی،
یا صدقہ کے اونٹوں سے ادائیگی کے عوض ادھار لیے تھے،
کہ مال فے سے ادا کر دیں گے،
لیکن بظاہر امام احمد کا موقف ہی صحیح معلوم ہوتا ہے،
کہ مصالحت کے لیے بیت المال سے ادائیگی ہو سکتی ہے،
چاہے وہ اونٹ زکاۃ وغیرہ کے ہی کیوں نہ ہو۔
(فتح الباري،
ج 12،
ص 292)