حدیث حاشیہ:
فوائد ومسائل:
حضرت انس رضی اللہ عنہ کے اکثر شاگرد سونے کی انگوٹھی پھینکنے کا ذکر کرتے ہیں،
لیکن امام زھری نے چاندی کی انگوٹھی پھینکنے کا تذکرہ کیا ہے۔
اس لیے اکثر علماء کے نزدیک یہ راوی یعنی امام زہری کا وہم ہے کہ انہوں نے سونے کی جگہ چاندی کہہ دیا اور بعض حضرات نے اس کی تاویل کی ہے کہ لوگوں نے بھی آپ کے انداز میں انگوٹھیاں بنوا لیں،
جس سے امتیاز ختم ہو گیا اور اصل مقصد فوت ہو گیا،
تو آپ صلی اللہ علیہ وسلم نے انگوٹھی پھینک دی اور پھر دوبارہ انگوٹھی بنوائی جس میں محمد رسول اللہ تھا اور لوگوں کو اس نقش سے منع کر دیا،
تاکہ خطوط پر مہر لگانے کا مقصد حاصل ہو سکے۔