فائدہ:
اس حدیث میں عورتوں کا مردوں کی مشابہت کرنے سے منع کیا گیا ہے، یہاں تک کہ عورت مردوں والی جوتی اور ان جیسے کپڑے بھی نہیں پہن سکتی۔ اگر چہ حد یث بلحاظ سند ضعیف ہے لیکن اپنے شاہد کی وجہ سے صحيح ہے۔ شاہد کے لیے دیکھیے (سنن ابی داؤد: 4098) یہ شاہد صحيح ثابت ہے۔ والحمد للہ۔ گھر کے اند رعورت کا مردوں کی جوتی پہننا اور مرد کا عورتوں کی جوتی پہننا بھی اس حدیث کے عموم کی وجہ سے منع ہے، لیکن اگر ہاتھ وغیرہ میں جاتے وقت پہن لی جائے، بشرطیکہ اپنی جوتی نہ مل رہی ہو، تو اس کی گنجائش ہے۔ ایک تو بامر مجبوری ہے اور دوسرا وہ اپنے گھر میں ہی ہے، عورت ی جوتی پہن کر باہر نہیں جارہا کہ کوئی اسے عورت تصور کرنا شروع کر دے گا۔ موجودہ دور میں خواتین مردوں کی مشابہت کی خاطر اور مردعورتوں کی مشابہت کی خاطر بہت زیادہ کبیرہ گناہوں کا ارتکاب کرتے ہوۓ نظر آتے ہیں، بس اللہ تعالیٰ امت مسلمہ کی اصلاح فرماۓ۔ آمین۔