سیدہ ام فضل بنت حارث رضی اللہ عنہا سے مروی ہے کہ عرفہ کے روز ان کے ہاں کچھ لوگوں نے رسول اللہ صلی اللہ علیہ وسلم کے روزے کے بارے میں اختلاف کیا، کچھ نے کہا: ”آپ روزے سے ہیں“ اور کچھ نے کہا: ”آپ روزے سے نہیں ہیں۔“ چنانچہ میں نے آپ کی خدمت میں دودھ کا ایک پیالہ بھیج دیا، جب کہ آپ عرفہ کے میدان میں اپنے اونٹ پر سوار وقوف فرمائے ہوئے تھے، تو آپ نے وہ نوش فرما لیا (اور اس طرح معلوم ہو گیا کہ آپ نے روزہ نہیں رکھا ہے)۔ [سنن ابي داود/كتاب الصيام /حدیث: 2441]