سیدنا ابوہریرہ رضی اللہ عنہ سے روایت ہے کہ ایک شخص آیا اور کہنے لگا: ”اے اللہ کے رسول! نرخ مقرر فرما دیجیے۔“ آپ صلی اللہ علیہ وسلم نے فرمایا: ”(نہیں) بلکہ میں دعا کروں گا (کہ اللہ تعالیٰ ارزانی فرما دے)۔“ پھر ایک اور آدمی آیا اور کہا: ”اے اللہ کے رسول! نرخ مقرر فرما دیجیے۔“ آپ صلی اللہ علیہ وسلم نے فرمایا: ”(نہیں) بلکہ اللہ ہی گھٹاتا اور بڑھاتا ہے، اور مجھے یقین ہے کہ میں اللہ سے اس حال میں ملوں گا کہ کسی کو مجھ پر ظلم کا دعویٰ نہ ہوگا۔“ [سنن ابي داود/كتاب الإجارة /حدیث: 3450]