سیدنا عبداللہ بن مسعود رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”اسلام کی چکی پینتیس، چھتیس یا سینتیس تک چلے گی۔ پھر اگر ہلاک ہوئے تو ہلاک ہونے والوں کی یہی راہ ہو گی اور اگر ان کا دین قائم رہا تو ستر سال تک قائم رہے گا۔“ سیدنا عبداللہ بن مسعود رضی اللہ عنہ کہتے ہیں میں نے عرض کیا: ”کیا یہ ستر سال مزید ہوں گے یا سابقہ مدت بھی اس میں شامل ہے؟“ آپ صلی اللہ علیہ وسلم نے فرمایا: ”گزشتہ مدت کے ساتھ۔“ امام ابوداؤد رحمہ اللہ کہتے ہیں: (ربعی بن حراش «حَا» بغیر نقطے کے ہے) جس نے خراش «خَا» نقطے کے ساتھ کہا اس نے غلطی کی ہے۔ [سنن ابي داود/كتاب الفتن والملاحم /حدیث: 4254]