جناب موسیٰ بن ابی عائشہ (تابعی) بیان کرتے ہیں کہ وہ گھر کی چھت پر نماز پڑھاتے تھے، تو جب وہ ﴿أَلَيْسَ ذَلِكَ بِقَادِرٍ عَلَى أَنْ يُحْيِيَ الْمَوْتَى﴾ [سورة القيامة: 40] ”کیا اللہ قدرت نہیں رکھتا کہ وہ مردوں کو زندہ کر دے؟“ پڑھتے تو (جواب میں) کہتے: «سُبْحَانَكَ فَبَلَى» ”اے اللہ! تو پاک ہے، تو یقیناً قدرت رکھتا ہے۔“ لوگوں نے ان سے اس کے بارے میں پوچھا، تو انہوں نے کہا: ”میں نے اسے رسول اللہ صلی اللہ علیہ وسلم سے سنا ہے۔“ امام ابوداؤد رحمہ اللہ کہتے ہیں کہ امام احمد رحمہ اللہ کا کہنا ہے: ”مجھے یہ بات زیادہ پسند ہے کہ فرض نمازوں میں قرآنی دعائیں کی جائیں۔“ [سنن ابي داود/أبواب تفريع استفتاح الصلاة /حدیث: 884]