فوائد:
➊ علماء کا اس بات پر اتفاق ہے کہ ”کعبین“ سے مراد پنڈلی اور پاؤں کے درمیان ابھری ہوئی ٹخنے کی دو ہڈیاں ہیں اور ہر پاؤں میں دو ابھری ہڈیاں ہوتی ہیں۔
لیکن رافضیوں نے اس مسئلہ میں شذوذ اختیار کرتے ہوئے یہ موقف اپنایا ہے کہ ہر پاؤں میں ایک کعب یعنی پاؤں کی پشت کی ہڈی ہے۔
◈ محمد بن حسن رحمہ اللہ سے بھی یہ قول منقول ہے، لیکن ان سے صحیح ثابت نہیں ہے۔
اول الذکر علماء کی دلیل یہ ہے کہ اہل لغت و اشتقاق نے کعبین سے ٹخنے کی دو ابھری ہڈیاں مراد لی ہیں اور مذکورہ صحیح حدیث بھی اس کی تائید کرتی ہے کیونکہ اس میں آپ صلی اللہ علیہ وسلم نے ہر قدم کی دو ابھری ہڈیاں ثابت کی ہیں۔