فوائد:
➊ نیت کے بغیر روزہ فاسد ہے اور روزہ دار طلوع فجر سے قبل رات کے کسی حصے میں فرض روزہ کی نیت نہ کرے تو اس کا روزہ نہیں ہوگا۔ [المغنی لابن قدامہ: 6/40]
➋ یہ حدیث دلیل ہے کہ رات کو (فرض) روزہ کی نیت کرنا واجب ہے۔ [نیل الاوطار: 7/30]
رمضان کے شروع میں پہلی رات تمام مہینے کے روزوں کی نیت کر لینا تمام مہینے کے روزوں کے لیے کافی نہیں، کیونکہ رمضان کا ہر روزہ منفرد حیثیت کا حامل ہے۔ لہٰذا ہر روز علیحدہ نیت کرنی چاہیے۔ [عون المعبود: 5/340]
➌ نیت دل سے کی جاتی ہے، اس کا زبان سے کوئی تعلق نہیں۔ «وبصوم غد نويت من شهر رمضان» کے الفاظ ثابت نہیں ہیں۔