فوائد:
➊ ◈ امام نووی رحمہ اللہ فرماتے ہیں: جیسے مرد کی منی خارج ہونے کی صورت میں اس پر غسل واجب ہے، اسی طرح عورت کی منی خارج ہونے کی صورت میں عورت پر غسل واجب ہے۔ اور تمام اہل اسلام کا اس مسئلہ پر اجماع ہے کہ عورت اور مرد پر منی خارج ہونے کی صورت میں غسل واجب ہے۔ [نووی: 219/3]
➋ عورت جب احتلام کے دوران منی کا پانی دیکھے تب غسل کرے گی۔ یعنی احتلام میں وجوبِ غسل کے لیے منی کا پانی دیکھنا شرط ہے اور اگر وہ پانی نہ دیکھے تو غسل نہیں کرے گی۔ [فتح الباری: 302/2]
➌ یہ حدیث دلیل ہے کہ کچھ عورتوں کو احتلام ہوتا ہے اور کچھ کو احتلام سے واسطہ نہیں پڑتا۔ اسی لیے ام عائشہ رضی اللہ عنہا نے احتلام کا انکار کیا تھا لیکن ان کے جواب سے معلوم ہوتا ہے کہ وہ عورت کی منی کے وجود ہی کی منکر تھیں۔ لہٰذا ان کی اس نفی کا انکار کیا گیا کہ عورت بھی مادہ منویہ سے دوچار ہوتی ہے۔ [فتح الباری: 303/1]