فوائد:
◈ حافظ ابن قیم رحمہ اللہ بیان کرتے ہیں کہ یہ حدیث دلیل ہے کہ دس ذوالحجہ کا دن تمام ایام سے افضل ہے اور ایک حدیث میں ہے کہ بہترین دن یومِ جمعہ ہے۔
➊ ان احادیث میں تطبیق یہ ہے کہ ہفتہ کے دنوں سے جمعہ کا دن افضل ہے اور سال بھر کے تمام دنوں سے دس ذوالحجہ کا دن افضل ہے، اور یومِ نحر جمعہ سمیت تمام ایام سے افضل ہے اور یومِ جمعہ ایامِ ہفتہ سے افضل ہے۔
➋ پھر اگر یہ دونوں دن ایک دن جمع ہو جائیں تو دونوں فضیلتیں لاگو ہوں گی اور اگر دونوں دن مختلف ہوں تو یومِ نحر افضل و اعظم ہے۔ [عون المعبود]
➌ دس ذوالحجہ کو قربانی کرنا گیارہ اور بارہ ذوالحجہ میں قربانی کرنے سے افضل ہے، کیونکہ دس ذوالحجہ کا دن ذوالحجہ کے ابتدائی مبارک دس دنوں میں شامل ہے۔