فوائد:
➊ نبی اکرم صلی اللہ علیہ وسلم کا اکثر معمول تھا کہ آپ نماز فجر میں طوال مفصل سورتیں تلاوت کرتے تھے۔ اور دو طوال مفصل سورتوں کو ملانے سے بعض سورتوں کی آیات کی تعداد ساٹھ سے لے کر سو تک بنتی ہے۔
➋ ◈ ابن رجب کہتے ہیں: ”ان احادیث سے بظاہر معلوم ہوتا ہے کہ آپ صلی اللہ علیہ وسلم نماز فجر میں ساٹھ سے لے کر سو آیات تک کی تلاوت نماز فجر کی دونوں رکعات میں کرتے تھے۔ کیونکہ آپ نماز سے سلام اس وقت پھیرتے جب انسان اپنے ساتھ والے نمازی کو پہچان لیتا تھا۔ اور اگر آپ صلی اللہ علیہ وسلم ہر رکعت میں سو کے قریب آیات کی تلاوت کرتے تو سلام پھیرتے وقت طلوع آفتاب کا وقت ہو جاتا۔“ [فتح الباري لابن رجب: 240/5]