فوائد:
مذکورہ احادیث شافعی اور جمہور علماء کے مذہب کی دلیل ہیں کہ دونوں طرف سلام پھیرنا مسنون ہے، جبکہ مالک اور علماء کی قلیل تعداد کا موقف ہے کہ ایک طرف سلام پھیرنا ہی سنت ہے۔
لیکن ان کے موقف کے ضعیف دلائل مذکورہ صحیح احادیث کے مقابل بے حیثیت ہیں۔
اور بالفرض ایک طرف سلام پھیرنے کے بارے احادیث ثابت ہوں بھی، تو انہیں بیانِ جواز پر محمول کیا جائے گا۔
نیز تمام علماء کا اجماع ہے کہ نماز میں ایک سلام واجب ہے۔
پھر اگر نمازی نے ایک سلام کا اہتمام کرنا ہو تو وہ قبلہ رو سلام کہے اور اگر اس نے دونوں طرف سلام پھیرنا ہو تو ایک سلام دائیں طرف اور دوسرا سلام بائیں طرف پھیرے۔
نیز ہر سلام میں اس قدر منہ پھیرے کہ اس کی جانب والا شخص اس کے رخسار دیکھ سکے۔
یہی موقف راجح ہے۔ [المنهاج شرح صحيح مسلم للنووي: 82/5]