حضرت جبر بن عتیک اپنے چچا سے روایت کرتے ہیں کہ میں نبی کریم صلی اللہ علیہ وآلہ وسلم کے ساتھ ایک انصاری شخص (کے جنازے پر) حاضر ہوا اس کے گھر والے اس پر رو رہے تھے، میں نے کہا کیا تم روتے ہو یہ نبی کریم صلی اللہ علیہ وآلہ وسلم (تم میں) موجود ہیں؟ آپ صلی اللہ علیہ وآلہ وسلم نے فرمایا چھوڑ دو ان کو رونے دو، جب اس پر واجب ہوجائے گا (قبر میں اتار دیا جائے گا تو) یہ نہیں روئیں گی۔ [مصنف ابن ابي شيبه/كتاب الجنائز/حدیث: 12498]