حضرت عمرو بن شعیب سے روایت ہے کہ جب رسول اللہ صلی اللہ علیہ وآلہ وسلم طائف کے بعد حنین سے واپس ہوئے تو آپ صلی اللہ علیہ وآلہ وسلم نے ارشاد فرمایا:”سوئی، دھاگہ (تک) جمع کروا دو۔ کیونکہ غنیمت میں خیانت جہنم ہے اور خیانت کرنے والے کے لئے قیامت کے دن عیب و رسوائی ہے۔“ پھر آپ صلی اللہ علیہ وآلہ وسلم نے اونٹ کا ایک بال پکڑا اور فرمایا ”میرے لئے تمہارے اس مال میں سے یہ بھی نہیں ہے سوائے خمس کے اور خمس بھی (انجام کے اعتبار سے) تمہاری طرف رد ہوجاتا ہے۔ [مصنف ابن ابي شيبه/كتاب المغازي/حدیث: 39735]