حضرت زید بن اسلم فرماتے ہیں کہ ایک لڑکے نے نبی پاک حضور صلی اللہ علیہ وآلہ وسلم کے پاس آیت سجدہ کی تلاوت کی۔ اس نے انتظار کیا کہ نبی پاک حضور صلی اللہ علیہ وآلہ وسلم سجدہ فرمائیں۔ جب آپ نے سجدہ نہ کیا تو وہ کہنے لگا یا رسول اللہ! کیا اس سورت میں سجدہ نہیں ہے؟ آپ نے فرمایا اس سورت میں سجدہ تو ہے۔ البتہ تم اس بارے میں ہمارے امام تھے۔ اگر تم سجدہ کرتے تو ہم بھی سجدہ کرتے۔ [مصنف ابن ابي شيبه/باب سجود التلاوة/حدیث: 4425]