یحییٰ بن میسرہ رحمہ اللہ سے روایت ہے کہ انہوں نے عمرو بن مرہ رحمہ اللہ سے دریافت کیا کہ کیا جمعہ کے دن غسل کرنا سنت ہے؟ انہوں نے جواب دیا: ”مسلمان غسل کیا کرتے تھے۔“ میں نے ان سے دوبارہ یہی سوال کیا تو انہوں نے اس بات پر کوئی اضافہ نہ کیا اور یہی فرمایا: ”مسلمان غسل کیا کرتے تھے۔“ تب میں سمجھ گیا کہ یہ ایک ایسا عمل ہے جسے مسلمانوں نے مستحب (پسندیدہ) سمجھا ہے اور یہ (تاکیدی) سنت نہیں ہے۔ [مصنف ابن ابي شيبه/كتاب الجمعة/حدیث: 5104]