سفیان بن عیینہ عبدالکریم سے، وہ مجاہد یا کسی اور سے روایت کرتے ہیں کہ انہوں نے کہا: ”جو شخص جمعہ کے دن زوالِ آفتاب کے بعد کوئی چیز فروخت کرے تو اس کی وہ بیع مردود ہے، کیونکہ اللہ تعالیٰ نے ﴿إِذَا نُودِيَ لِلصَّلَاةِ مِنْ يَوْمِ الْجُمُعَةِ﴾ [سورة الجمعة: 9] ”جب جمعہ کے دن نماز کے لیے اذان دی جائے“ تو بیع کرنے سے منع فرمایا ہے“، (اس راوی کے متعلق) سفیان کو شک ہوا ہے۔ [مصنف ابن ابي شيبه/كتاب الجمعة/حدیث: 5499]