عامر (شعبی) بیان کرتے ہیں: سیدنا علی رضی اللہ عنہ کے پاس ایک چور کو لایا گیا، جس نے چوری کی تھی، سیدنا علی رضی اللہ عنہ نے اس کا ہاتھ کٹوا دیا، دوبارہ چوری کرنے کے جرم میں اسے پھر لایا گیا، تو سیدنا علی رضی اللہ عنہ نے اس کا پاؤں کٹوا دیا، پھر جب اسے تیسری دفعہ لایا گیا، تو سیدنا علی رضی اللہ عنہ نے اسے قید کرنے کا حکم دیا، آپ رضی اللہ عنہ نے فرمایا: ”اس کا ایک پاؤں رہنے دو، جس کے ذریعے چل سکے اور ایک ہاتھ رہنے دو، جس سے یہ کچھ کھا سکے اور استنجا کر سکے۔“ [سنن الدارقطني/ كتاب الحدود والديات وغيره/حدیث: 3387]