زید بن اسلم اپنے والد کا یہ بیان نقل کرتے ہیں: سیدنا عمر رضی اللہ عنہ نے عیسائی کے گھر سے وضو کیا، پھر آپ اس خاتون کے پاس گئے، آپ نے فرمایا: ”اے بڑی بی! اسلام قبول کر لو، تم سلامت رہو گی، اللہ تعالیٰ نے محمد صلی اللہ علیہ وسلم کو حق کے ہمراہ مبعوث کیا ہے۔“ اس عورت نے اپنے سر سے چادر ہٹائی تو (اس کے بال ثغامہ پھول کی طرح سفید) تھے، اس بوڑھی عورت نے کہا: اب تو میں مرنے والی ہوں، سیدنا عمر رضی اللہ عنہ نے فرمایا: ”اے اللہ! تو گواہ رہنا۔“ [سنن الدارقطني/كتاب الطهارة/حدیث: 64]