سیدنا عبداللہ بن سرجس رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ”کوئی آدمی ہرگز بل میں پیشاب نہ کرے، اور جب تم نے سونا ہو تو چراغ کو بجھا دیا کرو، کیونکہ چوہیا اس کی بتی پکڑ کر گھر والوں کو جلا سکتی ہے، مشکیزوں کے منہ باندھ دیا کرو، برتنوں کو ڈھانپ دیا کرو اور رات کو دروازے بند کر دیا کرو۔“ لوگوں نے قتادہ رحمہ اللہ سے کہا: ”بل میں پیشاب کرنے کو کیوں ناپسند کیا جاتا ہے؟“ انہوں نے کہا: ”کہا جاتا ہے کہ یہ جنوں کے مسکن ہیں۔“ [الفتح الربانی/كتاب الطهارة/حدیث: 484]