عبد خیر رحمہ اللہ، سیدنا علی رضی اللہ عنہ کا وضو بیان کرتے ہوئے کہتے ہیں: پھر انہوں نے اپنا ہاتھ برتن میں رکھا اور دونوں ہتھیلیوں سے سارے سر کا ایک دفعہ مسح کیا، پھر دونوں پاؤں کو تین تین بار دھویا، پھر انہوں نے کہا: ”یہ تمہارے نبی کا وضو ہے، اس کو سیکھ لو۔“ ایک روایت میں ہے: انہوں نے اپنے سر کا مسح اس طرح کیا کہ سر کے اگلے حصے سے پچھلے حصے تک لے گئے۔ لیکن راوی کہتا ہے: میں یہ نہیں جانتا کہ ہاتھوں کو واپس لوٹایا تھا یا نہیں، پھر انہوں نے اپنے پاؤں دھوئے اور کہا: ”جو آدمی رسول اللہ صلی اللہ علیہ وسلم کا وضو دیکھنا پسند کرتا ہے تو یہ رسول اللہ صلی اللہ علیہ وسلم کا وضو ہے۔“ [الفتح الربانی/أبواب الوضوء/حدیث: 665]