حسن بصری رحمہ اللہ کہتے ہیں کہ مجھے یہ بات پہنچی ہے کہ نبی اکرم صلی اللہ علیہ وسلم نے فرمایا: جو شخص رات میں سو آیات کی تلاوت کرے، اس کے لیے پوری رات کے قیام کا اجر لکھ دیا جاتا ہے، اور جو دو سو آیات پڑھے، قرآن اس کے خلاف حجت نہیں ہوگا، اور جو پانچ سو آیات پڑھے، وہ صبح اس حال میں کرے گا کہ اس کے لیے ایک قنطار اجر لکھا جائے گا، اور قنطار بارہ ہزار (درہم) کے برابر ہوتا ہے۔ [سنن سعید بن منصور/كتاب التفسير/حدیث: 46]