مجاہد رحمہ اللہ نے ﴿وَإِنْ تُبْدُوا مَا فِي أَنْفُسِكُمْ أَوْ تُخْفُوهُ﴾ کے بارے میں فرمایا: یہ آیت صحابہ پر سخت گزری، انہوں نے عرض کیا: یا رسول اللہ صلی اللہ علیہ وسلم ! ہم اپنے دل میں کچھ ایسی باتیں پاتے ہیں جن کا ظاہر ہونا ہمیں پسند نہیں، تو کیا ہمارا مؤاخذہ ہوگا؟ آپ صلی اللہ علیہ وسلم نے فرمایا: کیا تمہیں واقعی یہ مسئلہ درپیش ہے؟ یہی تو خالص ایمان ہے۔ پھر اللہ عزوجل نے ﴿آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ﴾ کی آیات نازل فرمائیں۔ [سنن سعید بن منصور/كتاب التفسير/حدیث: 474]