سیدنا عبداللہ بن مسعود رضی اللہ عنہ نے فرمایا: تمہارے دین سے سب سے پہلے جو چیز ختم ہوگی وہ امانت ہوگی، اور سب سے آخر میں جو باقی رہے گی وہ نماز ہوگی، اور یہ قرآن جو تمہارے درمیان ہے، قریب ہے کہ اٹھا لیا جائے۔ صحابہ نے پوچھا: یہ کیسے ہوگا جبکہ اللہ نے اسے ہمارے دلوں میں محفوظ کر دیا ہے اور ہم نے اسے مصاحف میں لکھ لیا ہے؟ تو فرمایا: رات کے وقت قرآن اٹھا لیا جائے گا، پس جو کچھ تمہارے دلوں میں ہے وہ ختم ہو جائے گا، اور جو مصاحف میں ہے وہ بھی اٹھا لیا جائے گا، پھر سیدنا عبداللہ بن مسعود رضی اللہ عنہ نے یہ آیت تلاوت کی: ﴿وَلَئِنْ شِئْنَا لَنَذْهَبَنَّ بِالَّذِي أَوْحَيْنَا إِلَيْكَ ثُمَّ لا تَجِدُ لَكَ بِهِ عَلَيْنَا وَكِيلًا﴾ [سورہ الإسراء: 86] [سنن سعید بن منصور/كتاب التفسير/حدیث: 97]