سیدنا سہل بن حنیف رضی اللہ عنہ بیان کرتے ہیں: مجھے مذی کی وجہ سے مشقت کا سامنا کرنا پڑتا تھا اور میں اس کی وجہ سے بکثرت غسل کیا کرتا تھا۔ میں نے نبی اکرم صلی اللہ علیہ وسلم سے اس بارے میں دریافت کیا تو آپ صلی اللہ علیہ وسلم نے ارشاد فرمایا: ”تمہارے لیے اس کی وجہ سے وضو کر لینا ہی کافی ہے۔“ میں نے عرض کی: اگر یہ میرے کپڑے پر لگ جائے تو پھر کیا ہو گا؟ نبی اکرم صلی اللہ علیہ وسلم نے فرمایا: ”تمہارے لیے اتنا ہی کافی ہے کہ تم ایک چلو میں پانی لو اور اسے اپنے کپڑے پر اس جگہ چھڑک لو جہاں تمہیں نظر آ رہا ہے کہ یہ لگی ہوئی ہے۔“ [صحیح ابن حبان/كتاب الطهارة/حدیث: 1103]