سیدنا انس بن مالک رضی اللہ عنہ بیان کرتے ہیں۔ نبی اکرم صلی اللہ علیہ وسلم ایک ہی رات میں اپنی تمام ازواج کے پاس تشریف لے جایا کرتے تھے۔ اس وقت آپ کی 9 ازواج تھیں۔ (امام ابن حبان رحمہ اللہ فرماتے ہیں:) ہشام دستوائی نے قتادہ کے حوالے سے یہ روایت نقل کی ہے۔ ”ان ازواج کی تعداد گیارہ تھی۔“ جبکہ سعید نے قتادہ کے حوالے سے جو روایت نقل کی ہے اس میں یہ مذکور ہے، اس وقت آپ کی نو ازواج تھیں۔ (امام ابن حبان رحمہ اللہ فرماتے ہیں:) ہشام دستوائی نے قتادہ کے حوالے سے یہ روایت نقل کی ہے ”ان ازواج کی تعداد گیارہ تھی“ جبکہ سعید نے قتادہ کہ حوالے سے یہ روایت نقل کی ہے کہ ”اس وقت ان ازواج کی تعداد نو تھی“ جہاں تک ہشام کی نقل کردہ روایت کا تعلق ہے، تو سیدنا انس رضی اللہ عنہ نے نبی اکرم صلی اللہ علیہ وسلم کے اس فعل کا ذکر اس زمانے کے حساب سے کیا ہے، جب آپ مدینہ منورہ تشریف لائے تھے۔ اس وقت آپ کی گیارہ ازواج تھیں جبکہ سعید نے قتادہ کہ حوالے سے جو روایت نقل کی ہے اس میں سیدنا انس رضی اللہ عنہ نے اس زمانے کا ذکر کیا ہے، جو مدینہ منورہ میں آپ کا آخری زمانہ ہے۔ جب آپ کی نو ازواج تھیں۔ اس کی وجہ یہ ہے کہ نبی اکرم صلی اللہ علیہ وسلم نے یہ فعل کئی مرتبہ کیا ہے۔ ایسا نہیں ہے کہ اسے صرف ایک مرتبہ کیا ہے۔ [صحیح ابن حبان/كتاب الطهارة/حدیث: 1209]