سیدنا عبداللہ بن عمرو رضی اللہ عنہ بیان کرتے ہیں: انہوں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے: ”جب تم مؤذن کو سنو تو اس کی مانند کلمات کہو جو وہ کہتا ہے، اور مجھ پر درود بھیجو، کیونکہ جو شخص مجھ پر ایک مرتبہ درود بھیجا ہےاللہ تعالیٰ اس پر دس مرتبہ رحمت نازل کرتا ہے، پھر تم میرے لئے وسیلے کی دعا مانگو، کیونکہ یہ جنت میں ایک مقام ہے، جو اللہ کے بندوں میں سے کسی ایک بندے کو ملے گا، اور مجھے یہ امید ہے، وہ ایک بندہ ”میں“ ہوں گا، جو شخصاللہ تعالیٰ سے میرے لئے وسیلے کا سوال کرے گا۔ اس شخص کے لئے میری شفاعت لازم ہو جائے گی۔“ [صحیح ابن حبان/كتاب الصلاة/حدیث: 1692]